How To Make Egg Fry : अंडी आरोग्यासाठी फार फायदेशीर असतात. अंड्यामध्ये अनेक प्रकारचे व्हिटॅमिन्स, फॉस्फोरस, सेलेनियम, कॅल्शियम, झिंक, हेल्दी फॅटसह अनेक आवश्यक तत्व असतात. यात ओमेगा ३ फॅटी ॲसिड असतात, जे हृदयासाठी फायदेशीर असतात. तर मग आठवड्यातून एकदा किंवा दोनदा तरी आपण अंड खाल्लं पाहिजे. पण, अंड्याचे तेचतेच पदार्थ खाऊन तुम्हाला कंटाळा आला असेल तर आज आपण अंड्याची एक आगळीवेळी रेसिपी पाहणार आहोत. सोशल मीडियावर एका युजरने ही खास रेसिपी व्हिडीओत दाखवली आहे. या रेसीपीचे नाव अंडा फ्राय (How To Make Egg Fry) . तर आजच घरी नक्की ट्राय करा ही रेसिपी.
साहित्य ( Egg Fry Recipe Ingredients):
१. पाच अंडी
२. धणे
३. काळीमिरी
४. लाल मिरची
५. कडीपत्ता
६. बटर
७. हळद
८. मसाला
९. मीठ
१०. कोथिंबीर
व्हिडीओ नक्की बघा…
कृती (How To Make Egg Fry) :
१. पाच अंडी उकडवून घ्या.
२. नंतर अंड्याचे पिवळ्या भागासह छोटे-छोटे काप करून घ्या.
३. पॅनमध्ये धणे, काळीमिरी, मिरी, लाल मिरची, कडीपत्ता भाजून घ्या.
४. त्यानंतर मिस्करमध्ये पावडर करून घ्या.
५. नंतर पॅनमध्ये बटर घाला.
६. नंतर अंड्यांचे काप एकेक करून त्यात ठेवा.
७. हळद, मसाला, मीठ घाला .
८. दोन्ही बाजूने व्यवस्थित शिजवून घ्या.
९. नंतर वरून कोथिंबीर घाला.
१०. अशाप्रकारे ‘अंडा फ्राय’ (Egg Fry) तयार.
सोशल मीडियावर हा व्हिडीओ या @ marathi_kadhai या इन्स्टाग्राम अकाउंटवरून शेअर करण्यात आला आहे. तुम्ही आतापर्यंत अंड्यांची बुर्जी, अंड्यांचे ऑमलेट, अंडा मसाला, अंड्याचे कटलेट, अंडा पाव आदी अनेक पदार्थ खाल्ले असतील. पण, हा एक वेगळा आणि चविष्ट पदार्थ आहे. जो तुम्ही रविवारी आणि बुधवारी नाश्त्यासाठी करू शकता आणि कुटुंबातील सदस्यांना खायला देऊ शकता. तसेच हा पदार्थ पाहून त्यांच्या तोंडाला पाणी सुटेल यात शंकाच नाही.
