अचूक प्रमाण अन् टिप्ससह बनवा स्वादिष्ट, गुलाबी खरवस ; पाहा रेसिपीचा सोपा VIDEO

साहित्य :

• एक कप दूध
• एक कप दही
• १/२ कप दूध पावडर
• ३/५ कप गोड कंडेस्ड दूध
• एक चमचा गुलाब सिरप
• एक टीस्पून वेलची पावडर
• वाळलेल्या गुलाबाच्या पाकळ्या (पर्याय)

हेही वाचा…घरच्या घरी ‘असा’ बनवा मसालेदार अन् पौष्टीक तोंडलीचा भात; पाहा सोपी रेसिपी

व्हिडीओ नक्की बघा…

कृती :

• सर्वप्रथम एका बाऊलमध्ये दुध ओतून घ्या.
• यामध्ये एक कप मिल्क पावडर टाकावी.
• दूध आणि मिल्क पावडर एकजीव झाल्यानंतर त्यात दही , कंडेन्स मिल्क आणि गुलाब सिरप घालावे.
• मिश्रण एकजीव होईपर्यंत ढवळून घ्या किंवा फेटून घ्या.
• आता हे मिश्रण एका खोलगट ताटात किंवा भांड्यात ओतून घ्या.
• त्यानंतर त्यावरून वेलची पूड आणि सुकलेल्या गुलाबाच्या पाकळ्या आवडीनुसार घालून घ्या.
• एका मोठ्या भांड्यात पाणी घेऊन खरवस ठेवलेल्या मिश्रणाचे भांडे त्यावर ठेवावे व वरून झाकण लावावे.
• गॅसच्या मंद आचेवर हे भांड ठेवून खरवस वाफेवर ३० ते ३५ मिनिटांसाठी शिजवून घ्या.
• खरवस संपूर्ण शिजवून झाल्यानंतर त्यात सुरीच्या मदतीने तो आतून नीट शिजला आहे की नाही तपासून घ्या.
• (टीप : खरवस नीट शिजला आहे का हे पाहण्यासाठी तुम्ही सुरी किंवा टूथपिकचा सुद्धा वापर करू शकता. सूरी घ्या आणि मिश्रणात रोवून पाहा. जर सुरीवर खरवसाचे मिश्रण चिटकून आले तर ती नीट शिजला नाही असे समजावे. )
• खरवस वाफेवर शिजवून तयार झाल्यावर तो थोडा गार होऊ द्या . गार झाल्यावर तो फ्रिजमध्ये थंड होण्यासाठी १ ते २ तास ठेवा.
• अशाप्रकारे तुमचा ‘गुलाबी खरवस’ तयार.

सोशल मीडियावर हा व्हिडीओ @binjalsvegkitchen या इन्स्टाग्राम अकाउंटवरून शेअर करण्यात आला आहे.