थंडी म्हटली की बाजारात जाऊन भाज्या आणायलाही मजा येते. हिरव्यागार भाज्या, निरनिराळ्या रंगाच्या भाज्या पाहूनच मन तृप्त होतं. पालेभाज्यांमधे ऑल टाइम फेव्हरिट भाजी म्हणजे मेथीची भाजी. थंडीत तर या मेथीचा रुबाब आणखीनच खुलतो. मस्त मोठ्या पानांची हिरव्यागार मेथीच्या मोठ्याला जुड्या स्वस्तात मिळतात. मोठी मेथीची जुडी आणली की भाजीला वापरुनही मेथी उरतेच. अशावेळी उरलेल्या मेथीचं काय करावं बरं असा प्रश्न पडतो. अशावेळी ही सोपी रेसिपी मेथीची कढी नक्की बनवा.
मेथी कढी साहित्य
१ कप आंबट दही
२ चमचे बेसन
आले, लसूण आणि हिरवी मिरची पेस्ट
हिंग, हळद, धणेपूड
ताजी मेथी
मीठ
तूप किंवा तेल
जिरे, धणे मोहरी
सुकी मिरची
लसूण, कांदा
काश्मिरी लाल मिरची पावडर
मेथी दाणे
पाणी
मेथी कढी कृती
कढी बनवण्यासाठी १ वाटी आंबट दही आणि २ चमचे बेसन एकत्र करून गुठळ्या न करता एकसारखे मिश्रण तयार करा. नंतर त्यात पाणी घालून पातळ द्रावण तयार करा. या मिश्रणात दीड कप पाणी घाला.
नंतर कढईत तेल गरम करून त्यात आले, लसूण आणि हिरवी मिरची पेस्ट घालून सुगंध येईपर्यंत परतून घ्या. आता त्यात हिंग, हळद आणि धनेपूड घालून मिक्स करा.
नीट ढवळून झाल्यावर त्यात बारीक चिरलेली मेथी घालून झाकण ठेवून साधारण ५ मिनिटे शिजू द्या.
मेथी शिजली की हळूहळू मंद ते मध्यम आचेवर बेसनाचे मिश्रण घाला आणि एक किंवा दोनदा उकळेपर्यंत सतत ढवळत राहा.
नंतर चवीनुसार मीठ घालावे. कढी शिजल्यावर त्यात मसाला घाला. असे केल्याने चव आणि रंग दोन्ही वाढतात. तडका तयार करण्यासाठी फोडणीच्या पातेल्यात थोडं तूप गरम करून त्यात जिरे, धणे आणि मोहरी घाला.
हेही वाचा >> खोकल्यावर औषधं घेऊनही आराम नाही? डॉक्टरांनी सांगितलेलं हे संत्र्याचं सिरप बनवा घरच्या घरी
नंतर सुकी मिरची, लसूण, कांदा, काश्मिरी तिखट आणि कसुरी मेथी घाला. ही फोडणी कढीवर घाला आणि पुन्हा एक उकळी आल्यावर गरमागरम भातासोबत सर्व्ह करा.
