Instant Onion Chutney Recipe: कांदा हा साधारण सर्वच भारतीयांच्या स्वयंपाकामध्ये वापरला जाणारा महत्त्वाचा घटक आहे. जवळपास सर्वच पदार्थांमध्ये कांदा वापरला जातो. मग एखादी भाजी असो, आमटी किंवा चिकन आणि मटन ग्रेव्ही कांद्याचा वापर हमखास केला जातो. अनेकांना जेवण करताना तोंडी कच्चा कांदा खाण्याची सवय असते; तर काहींना कच्चा कांदा जेवणासोबत लागतोच. खवय्या लोकांसाठी आज आम्ही स्पेशल चटणी रेसिपी घेऊन आलो आहोत. जेवण असो वा नाश्ता त्याची चव वाढवायची असेल, तर चटपटीत चटणी बनवा. या चटणीमुळे कोणताही पदार्थ चविष्ट होतो.
चटणी हा कोणत्याही भारतीय पदार्थासाठी परिपूर्ण जोड पदार्थ आहे. उत्तरेपासून दक्षिणेपर्यंत सर्वत्र वेगवेगळ्या प्रकारच्या चटण्या बनवल्या जातात. तुम्ही पुदिना, धणे, नारळ इत्यादींच्या खूप चटण्या खाल्ल्या असतील; पण तुम्ही कधी कांद्याची चटणी चाखली आहे का? हे बनवायला जितके सोपे आहे तितकेच ते खायलाही चविष्ट आहे. तुम्ही ते डोसा, उत्तपा, पराठा इत्यादींसोबत सर्व्ह करू शकता. ही चटणी सर्व पदार्थांची चव अनेक पटींनी वाढवते.
आज आम्ही तुम्हाला कांदा आणि सुक्या लाल मिरच्यांच्या चटणीची रेसिपी सांगणार आहोत. ही चटणी खायला खूप चटपटीत आहे आणि तुम्ही ती काही मिनिटांत बनवू शकता. जर तुम्हाला कांदा आणि सुक्या लाल मिरचीची चटणी कशी बनवायची हे माहित नसेल तर आमच्या नमूद केलेल्या रेसिपीच्या मदतीने तुम्ही ते अगदी सहज तयार करू शकता. चला तर जाणून घेऊ कांदा आणि सुक्या लाल मिरचीची चटणी बनवण्याची पद्धत..
कांद्याची चटणीचे साहित्य
कांदा – १०
चिंच-२
मीठ – गरजेनुसार
मोहरी – अर्धा चमचा
सुक्या लाल मिरच्या – ५ ते ६
उडद डाळ – अर्धा चमचा
तेल – अर्धा चमचा
पाणी – गरजेनुसार
कांद्याची चटणी बनविण्याची पद्धत
१. ही चटणी बनवण्यासाठी प्रथम कांदे घ्या.
२. एका पॅनमध्ये तेल आणि मोहरी घाला.
३. त्यानंतर त्यात चिरलेला कांदा, चिंच व सुक्या मिरच्या घाला.
४. त्यानंतर ते सर्व चांगले तळून घ्या.
५. नंतर त्यात मीठ मिसळा.
६. थंड झाल्यावर उरलेले पाणी घाला आणि पेस्ट तयार करण्यासाठी बारीक करा.
७. त्यानंतर पॅनमध्ये तेल घालून, त्यात उडीद डाळ घाला आणि परतून घ्या.
८. त्यानंतर ते चटणीमध्ये मिसळा.
९. तुमची चटपटीत कांद्याची चटणी तयार आहे.
१०. डोसा, पराठा इत्यादींसोबत सर्व्ह करा.
