नेहमी घरच्या त्याच-त्याच प्रकारच्या भाज्या खाऊन खूप कंटाळा येतो. अशा वेळी काहीतरी वेगळ्या प्रकारची भाजी खाण्याची इच्छा होते. अशा वेळी एकतर तुम्ही हॉटेलमधून काहीतरी वेगळी भाजी ऑर्डर करता किंवा यूट्यूब व्हिडीओ बघून घरी बनवण्याचा प्रयत्न करता. पण, अशाने एकच दिवस तुम्हाला चमचमित भाजी खाल्ल्याचा आनंद मिळतो. पण, आज आम्ही तुम्हाला अशी एक रेसिपी सांगणार आहोत, जी तुम्ही घरच्या घरी करु शकता. आतापर्यंत तुम्ही हॉटेलमध्ये खाल्लेली हैद्राबादी मिक्स व्हेज मसाला करी आता घरच्या घरी करा. हैद्राबादी मिक्स व्हेज मसाला करी साहित्य १/२ कप मटार१ कप फ्लॉवर तुरे१ कप बटाटे१/२ कप गाजर१/२ कप फ्रेंच बीन्स१ कांदा बारीक चिरून१/२ कप सिमला मिरची१/२ कप तोंडली, गिलके२ मध्यम टोमॅटो१०० ग्रॅम पनीर१/२ कप पालक पेस्ट करून मसाला / ग्रेव्ही / करी:- २ कांदे उभे चिरुन७ ते ८ लसुण पाकळ्या१/४ कप खोबरं किस१ इंच आले४ ते ५ हिरव्या मिरच्या१/२ कप कोथिंबीर + कोथिंबीर देठ१/८ कप पुदिना पाने१ टीस्पून धणे१/४ टीस्पून जीरे१-१/२ टीस्पून लाल तिखट किंवा चवीनुसार१/२ टीस्पून गरम मसाला१/२ टीस्पून हळदतेल आवश्यक ते नुसार खडे मसाले:- २ ते ३ लवंगा२ ते ३ मीरे१ इंच दालचिनी२ हिरवी वेलची२ तमालपत्रगरम पाणी गरजेनुसारमीठ चवीनुसार हैद्राबादी मिक्स व्हेज मसाला करी रेसिपी १. प्रथम भाज्या चिरुन घ्या. मटार सोलून घ्या. फ्लॉवरचे मोठे तुरे मोडून घ्या. फ्रेंच बीन्स, गाजर, सिमला मिरचीचे एक इंचाचे तुकडे करून घ्यावे. कांदा उभा आणि बारीक दोन्ही चिरून घ्या. टोमॅटो बारीक चिरून घ्यावा. २. कढई तापत ठेवा. त्यात थोडेसे तेल घाला. खडे मसाले (लवंग, मिरी, दालचिनी, हिरवी वेलची, तमालपत्र) त्यात छान भाजून घ्या. व बाजूला डिशमध्ये ठेवा गार झाल्यावर खडे मसाले ह्याची मिक्सर मध्ये फिरवून बारीक पूड करून घ्या. ३. त्याच कढईत तेल घाला. उभा चिरून घेतलेला कांदा, लसूण, आले, खोबरं, हिरवी मिरची, कोथिंबीर आणि कोथिंबीर देठ, पुदिना, धणे, जीरे, सगळे खरपूस भाजून घ्या. नंतर गार झाल्यावर मिक्सर मध्ये फिरवून बारीक वाटून घ्या. ४. आता कढईत तेल घाला ते तापवून घ्या. नंतर त्यात बारीक चिरलेला कांदा घाला. तो पारदर्शक होईपर्यंत परतून घ्या. नंतर त्यात टोमॅटो घाला. तो छान मऊ होईपर्यंत परतून घ्या. हळद घाला. आता त्यात वाटून घेतलेला मसाला आणि खडा मसाला पूड घालून घ्या. आणि छान त्याला तेल सुटेपर्यंत परतून घ्या. त्यात लाल तिखट घालून घ्यावे. हेही वाचा >> विदर्भ स्पेशल आमरस; इन्स्टंट आमरसाची पाहा सोपी रेसिपी; ५ मिनिटात पातेलंभर रस ५. आता एक एक करून भाज्या घालून घ्या. मटार, सिमला मिरची, फ्रेंच बीन्स, गाजर, फ्लॉवर तुरे घालून मिक्स करावे, पालक पेस्ट घालावी. नंतर त्यात चवीनुसार मीठ घालून एकजीव करून घ्या. झाकण ठेवून वाफ आणावी. आता त्यात गरम पाणी घालून घ्या. झाकण ठेवून छान शिजवून घ्या. शेवटी गरम मसाला घालून एकजीव करून घ्यावी.