आता सोप्या पद्धतीने बनवा ‘इडली सांबार चटणी’, अगदी परफेक्ट होईल रेसिपी, वाचा साहित्य आणि कृती

साहित्य

• ५०० ग्रॅम इडलीचे पिठ
• १०० ग्रॅम मिक्स भाज्या(शेंगा, वांगे, टोमॅटो, कांदे)
• ७० ग्रॅम मिक्स डाळ(तुरडाळ, मुगडाळ, मसुरडाळ)+ १ टिस्पून मेथी दाणे
• 1/2 टिस्पून हळद
• 1-2 टिस्पून तिखट
• 1-2 टेबलस्पून सांबार मसाला
• 2-3 लाल सुक्या मिरच्या
• 1 टिस्पून मोहरी
• 1 टिस्पून जीरे
• 6-7 कडिपत्याची पाने
• 1 टेबलस्पून चिंचेचा कोळ
• 1 टेबलस्पून गुळ पावडर
• 1-2 टेबलस्पून कोथिंबिर
• तुकडे चटणीचे साहित्य ४० ग्रॅम ओल्या खोबर्‍याचे
• २० ग्रॅम डाळ
• 2 लाल मिरच्या
• 1 आल्याचा तुकडा
• 2 लसुण पाकळ्या
• 1 टिस्पून साखर
• 1 टिस्पून चिंचेचा कोळ
• 2 टेबलस्पून कोथिंबीर
• चविनुसार मीठ
• 1-2 टेबलस्पून तेल
• 1 टिस्पून धणे पावडर
• 1-2 पिंच हिंग

कृती

प्रथम मिक्स डाळी मेथीदाणे २० मिनिटे पाण्यात भिजत ठेवा. सर्व भाज्या कापून ठेवा आणि कांदे उभे चिरून ठेवा.

चटणीचे सर्व साहित्य मिक्सर जारमध्ये टाकून आवश्यकतेनुसार पाणी मिक्स करून चटणी वाटून ठेवा.

कुकरमध्ये मिक्स डाळी, हळद, कांदा, टोमॅटो मिक्स करून पाणी टाकून २-३ शिट्टया करून शिजवून घ्या.

डाळीचा कुकर उघडून त्यात भाज्या मिक्स करून परत थोडावेळ १ शिट्टी करून घ्या.

कढईत तेल गरम झाल्यावर मोहरी, जिरे, हिंग हळद, कडिपत्ता, लाल मिरच्या, उभा कांदा, टोमॅटो, लाल तिखट, सांबार मसाला, कोथिंबिर, धणे पावडर मिक्स करा.

नंतर त्यात शिजवलेली मिक्स डाळ व भाज्या मिक्स करा. आवश्यकतेनुसार गरम पाणी चिंचेचा कोळ, गुड पावडर, मीठ मिक्स करा व ५-७ मिनिटे शिजवा.

इडली स्टँडला तेल लावून इडली बॅटर भरा व १०-१२ मिनिटे स्टीम करा.

गरमागरम सांबार, वाफळत्या मऊ लुसलुशित इडल्या कोथिंबीर शिवरून चटणीबरोबर ही डिश सर्व्ह करा.

नोट- ही रेसिपी कुकपॅडवरून घेण्यात आली आहे.