चमचमीत स्टफ्ड चिकन पेपर्स, ‘ही’ रेसिपी ट्राय करुन तुमचा रविवार आणखी स्पेशल करा

स्टफ्ड चिकन पेपर्स साहित्य :

• अर्धा किलो चिकन खिमा, ४ मोठय़ा लाल सिमला मिरच्या
• २ चमचे तेल, १ चमचाभर वाटलेलाली लसूण
• पाव चमचा चिली फ्लेक्स
• २ चमचे चिरलेला पुदिना
• १ कप किसलेले मोझेरेला चीझ
• १ चमचा गरम मसाला, मीठ

स्टफ्ड चिकन पेपर्स कृती :

• सगळ्यात आधी चिकन खिमा व्यवस्थित धुऊन घ्यावा. हळद, मीठ, वाटलाली लसूण, गरम मसाला याचे मिश्रण चिकनला लावून ते मुरण्यासाठी ठेवावे.
• दुसरीकडे लाल मिरची घेऊन त्यातला वरील भाग चिरून आतील बिया काढून ती पोकळ करून घ्यावी. मसाल्यात मुरवलेला खिमा या मिरच्यांमध्ये भरावा.
• आता कढईत तेल गरम करून त्यावर खिमा भरलेल्या सिमला मिरच्या परताव्यात. थोडे पाणी घालून वाफवून घ्यावे आणि गॅसवरून खाली उतरावे.

हेही वाचा – मोरोक्कन लेमन चिकन; एकदा खाल तर खातच रहाल! ही घ्या रेसिपी

शेवटी त्यावर किसलेले चीझ, चिली फ्लेक्स आणि पुदिना घालून सव्‍‌र्ह करावे.