एक वाटी रव्यापासून झटपट बनवा कुरकुरीत रवा वडे; पटकन वाचा साहित्य आणि कृती

रवा वडे बनविण्यासाठी लागणारे साहित्य:

• १ वाटी रवा
• २-३ बारीक चिरलेल्या मिरच्या
• ७-८ कढीपत्त्याची पाने
• ३ चमचे चिरलेली कोथिंबीर
• मीठ चवीनुसार
• तेल आवश्यकतेनुसार

रवा वडे बनविण्याची कृती:

हेही वाचा: अवघ्या काही मिनिटांत झटपट बनवा तांदळाचे मेदूवडे; नक्की ट्राय करा सोपी रेसिपी

• सर्वप्रथम गॅसवरील गरम कढईत दीड ग्लास पाणी घाला. त्यानंतर त्यात चिरलेल्या मिरच्या, कढीपत्त्याची पाने, कोथिंबीर, मीठ घालून शेवटी रवा घाला.
• हे मिश्रण व्यवस्थित एकत्र करून, त्यावर दोन मिनिटे झाकण ठेवा.
• ठरावीक वेळेनंतर झाकण काढून, पुन्हा हे मिश्रण परतून घ्या.
• आता गॅस बंद करून, मिश्रण एका ताटात काढा आणि त्याचे गोल गोल वडे बनवून, ते गरम तेलात तळून घ्या.
• सोनेरी रंग येईपर्यंत वडे तळल्यानंतर ते काढून घ्या आणि सॉसबरोबर सर्व्ह करा.