Jowar Khichdi Recipe : ज्वारी ही आपल्या आरोग्यासाठी अतिशय फायदेशीर आहे. त्यामुळे अनेक जण पोळीपेक्षा ज्वारीची भाकरी आवर्जून खातात पण तुम्ही ज्वारीची खिचडी खाल्ली आहे का? पचायला हलकी ज्वारीची खिचडी खूप स्वादिष्ट लागते. ही ज्वारीची खिचडी कशी बनवायची, हे आज आपण जाणून घेणार आहोत. ही सोपी रेसिपी नोट करा

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

साहित्य

  • ज्वारी
  • लसूण
  • खोबरे
  • कोथिंबीर
  • तेल
  • मोहरी
  • जिरे
  • हिंग
  • कढीपत्ता
  • बारीक चिरलेला कांदा
  • गाजर
  • मटार
  • मुग डाळ
  • तुरीची डाळ
  • तूप
  • पाणी

हेही वाचा : Chinese Veg Fried Rice : घरीच बनवा स्ट्रीट स्टाइल चायनिज व्हेज फ्राइड राइस, सोपी रेसिपी लगेच नोट करा

आणखी वाचा

कृती :

  • ज्वारी सुरुवातीला स्वच्छ धुवून घ्या आणि पाण्यात अर्ध्या तासासाठी भिजू घाला.
  • त्यानंतर ती चाळणीमध्ये निथळून घ्या
  • ज्वारीतील पाणी काढून टाका आणि ज्वारी मिक्सरमधून पाणी न टाकता बारीक करा ज्यामुळे ज्वारीचा भरडा होईल.
  • लसूण, खोबरे आणि कोथिंबीर एकत्र करा आणि मिक्सरमधून बारीक करा
  • सुरुवातीला कुकरमध्ये तेल गरम करा
  • गरम तेलात मोहरी, जिरे, हिंग आणि कढीपत्ता टाका
  • त्यात बारीक चिरलेला कांदा टाका आणि परतून घ्या
  • त्यात हळद घाला आणि चवीनुसार हिरव्या मिरचीचे बारीक तुकडे घाला.
  • लसूण, खोबरे आणि कोथिंबीरचे बारीक केलेले मिश्रण यात टाका आणि परतून घ्या
  • त्यानंतर त्यात गाजर, मटार टाका आणि चांगले परतून घ्या.
  • त्यानंतर मूग डाळ आणि तुरीची डाळ स्वच्छ धुवून यात टाका.
  • त्यानंतर मिक्सरमधून बारीक केलेलं ज्वारीचं पीठ घाला आणि चांगलं परतून घ्या
  • ज्वारीच्या खिचडीला पाणी भरपूर लागतं त्यामुळे एक कप ज्वारीला चार कप पाणी टाकावे. या प्रमाणानुसार पाणी घाला.
  • मंद आचेवर कुकरच्या दोन शिट्ट्या होऊ द्या.
  • खिचडी शिजल्यानंतर त्यावर तूप टाकून गरम गरम ज्वारीच्या खिचडीचा आस्वाद तुम्ही घेऊ शकता