Khandeshi Bhaji Recipe: महाराष्ट्राच्या उत्तरेकडे दख्खनच्या पठारावर नि तापी नदीच्या खोऱ्यात वसलेला भूप्रदेश म्हणजे खान्देश. ‘देश तसा वेश’ असे आपण म्हणतो. तोच न्याय खाद्यसंस्कृतीलाही लागू होतो. ठसकेबाज अहिराणी भाषा, श्रमिक दिनचर्या आणि त्यालाच अनुरूप असे झणझणीत आणि झटकेदार खान्देशी जेवण. मसालेदार तिखट भाज्या, घट्ट वरण, लोणची, पापड, भजे, बोन्डे यांचे अनेक प्रकार येथे चाखायला मिळतात. चला तर मग आज बनवुया खानदेशी मटकी वाटाणा रस्सा भाजी

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

खान्देशी मटकी वाटाणा रस्सा भाजी रेसिपी

आणखी वाचा

१ कप मोड आलेली मटकी
१/२ कप मटार
१ कांदा उभा चिरून
१/४ कप सुके खोबरे
१ टेबलस्पून धणे
१ दालचिनी तुकडा
५ काळिमिरी
५ लवंगा
१ टीस्पून बडीशेप
१ टीस्पून शहाजीरे
१/२ जायपत्री
१ चक्रफूल
१ तमालपत्र
१ टेबलस्पून लाल सुकी मिरची
१ टीस्पून हळद
आलं‌ लसूण
तेल
मीठ चवीनुसार
१ टीस्पून तिखट आवडीनुसार
कोथिंबीर
१ टोमॅटो चिरलेला

खान्देशी मटकी वाटाणा रस्सा भाजी कृती

१. सर्वप्रथम मटकी, मटार स्वच्छ धूऊन घ्या. पॅनमधे थोडं तेल, हळद, कोथिंबीर, मटकी, वाटाणा, पाणी घालून १० मि. शिजू द्या.

२. पॅनमधे कांदा,खोबरे, आले, लसूण,अख्खा गरम मसाला तेलावर छान भाजून घ्या.

३. ब्लेंडरमधे हा भाजलेला मसाला, लाल मिरची, तमालपत्र आणि थोडं पाणी घालून छान बारीक वाटून घ्यावे.

४. कढईत तेल गरम करून त्यात लाल तिखट, टोमॅटो छान परतून घ्या. नंतर त्यात वाटलेला मसाला छान तेल सुटेपर्यंत परतून घ्या. नंतर त्यात काळा मसाला घालून परतून घ्या.

५. नंतर त्यात शिजवलेली मटकी,वाटाणा पाण्यातसकट,मीठ घालून चांगले मिक्स करा‌.गरज वाटल्यास पाणी घाला‌‌.१५ मि.हा भाजी मध्यम छान शिजू द्यावे.

हेही वाचा >> गावरान चमचमीत भरलेली ढोबळी मिरची; ऑफिसच्या डब्यासाठी परफेक्ट रेसिपी लगेच नोट करा

६. अशाप्रकारे आपली झणझणीत रस्सा भाजी तयार आहे.