Bread Yummy Recipe: अनेकदा नाश्त्यासाठी आणलेले ब्रेड उरतात, अशावेळी त्यांचं काय करायचं? हा प्रश्न तुम्हालाही पडत असेलच. अशावेळी तुम्ही त्या ब्रेडपासून वेगवेगळ्या रेसिपी ट्राय करू शकता. आत्तापर्यंत अनेकदा तुम्ही उरलेल्या ब्रेडपासून गुलाबजाम, उपमा असं काहीना काही बनवलं असेलच. पण, आज आम्ही तुम्हाला फोडणीचा टेस्टी ब्रेड कसा बनवायचा हे सांगणार आहोत. जाणून घेऊया साहित्य आणि कृती. साहित्य : १. उरलेले ब्रेड२. १ चिरलेला बारीक कांदा३. १ चमचा लाल तिखट किंवा ४-५ मिरच्या४. १/२ चमचा जिरे५. १/२ चमचा मोहरी६. चिमूटभर हिंग७. १/४ चमचा हळद८. कोथिंबीर९. चवीनुसार मीठ१०. तेल आवश्यकतेनुसार कृती : हेही वाचा : उडीद आणि तांदळाचे नाही, यंदा बनवा उन्हाळा स्पेशल ‘नाचणीचे पापड’; लिहून घ्या साहित्य आणि कृती १. सर्वात आधी उरलेले ब्रेड हाताने मोठेमोठे कुस्करून घ्या. त्यानंतर त्यावर चवीनुसार मीठ घाला. २. आता एका गरम कढईत तेल ओता व त्यात जिरे, मोहरी, हिंग, हळद, चिरलेला कांदा आणि लाल तिखट किंवा मिरच्या घालून व्यवस्थित परतून घ्या. ३. कांदा जरा लालसर झाल्यावर त्यात कुस्करलेला ब्रेड घाला आणि व्यवस्थित मिक्स करा. ४. नंतर त्यावर चिरलेली कोथिंबीर घालून एक वाफ काढून घ्या. ५. तयार गरमागरम फोडणीचा ब्रेड तुम्ही दही किंवा टोमॅटो सॉससोबत सर्व्ह करा.