कुरमुऱ्यापासून बनवा खमंग, कुरकुरीत भजी; चव एवढी भन्नाट की कधी विसरणार नाहीत, नोट करा रेसिपी

साहित्य

१ वाटी कुरमुरे (मुरमुरे)
१ उकडून किसलेला बटाटा
१ मध्यम आकारात चिरलेला कांदा
१ हिरवी मिरची, ४ लसूण पाकळ्या, थोडे आले यांची पेस्ट
१०-१२ कढीपत्त्याची पाने
१/२ टीस्पून ओवा
१ टीस्पून तीळ
१ टीस्पून धणे-जिरे पावडर
कोथिंबिरीची पाने
चवीनुसार मीठ
२ चमचे बेसन
१/4 टीस्पून हळद पावडर

आणखी वाचा

हिवाळ्यात निरोगी राहण्यासाठी खा गुळ-टोमॅटोची चटणी; रेसिपी आहे एकदम सोपी

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

२ वाटी पीठापासून नाश्त्यामध्ये बनवा नाचणीचा पौष्टिक उपमा; वाचा साहित्य आणि कृती

उपवासाच्या दिवशी आवर्जून बनवा गूळ मखाणा; एकदम सोपी रेसिपी

मुलांसाठी नाश्त्यात बनवा पपईचा पौष्टिक शिरा; वाचा साहित्य आणि कृती

संध्याकाळच्या नाश्त्यासाठी बनवा चविष्ट ‘चीज बॉल्स’, लहान मुलंही होतील खुश; वाचा सोपी रेसिपी

एक वाटी पीठापासून बनवा नाचणीचे पौष्टिक थालीपीठ; पटकन वाचा सोपी रेसिपी

शेजवान डोसा बनवून जिभेचे चोचले पूरवा! घ्या झटपट मराठी रेसिपी, ट्राय करताय ना?

कृती

सर्वप्रथम एका भांड्यात कुरमुरे घ्या. त्यात उकडून किसलेला बटाटा, चिरलेला कांदा, आले-लसूण-हिरव्या मिरचीची पेस्ट, कढीपत्त्याची चिरलेली पाने, ओवा, तीळ, जिरे पावडर, कोंथिंबीर, चवीनुसार मीठ, हळद आणि बेसन पीठ टाकून हे सर्व मिश्रण नीट एकजीव करून घ्या.

हाताला थोडे पाणी लावून हे मिश्रण नीट एकत्र करा. त्यानंतर एका कढईत तेल गरम करा. आता तयार मिश्रणाचे तुम्ही भजीसारखे गोळे करून तेलात सोडा (तुम्हाला हवे असल्यास तुम्ही यापासून वडेदेखील बनवू शकता.) भजी चांगली सोनेरी रंगाची होईपर्यंत तळून घ्या. त्यानंतर ही भजी सॉस, हिरव्या चटणीबरोबर खाण्यासाठी सर्व्ह करा. ही रेसिपी @maharashtrian_recipe या इन्स्टाग्राम अकाउंटवर शेअर केली आहे.