घरच्या घरी ‘असा’ बनवा मसालेदार अन् पौष्टीक तोंडलीचा भात; पाहा सोपी रेसिपी

साहित्य :

• अर्धा किलो तोंडली (उभी कापून घ्या)
• एक चमचा आलं, लसूण, मिरचीची पेस्ट
• दोन चमचे तूप
• हिंग
• १/२ चमचा हळद
• आंबेमोहोर तांदूळ किंवा बासमती राईस सुद्धा तुम्ही घेऊ शकता.
• काजू ७ ते ८
• हिरव्या मिरच्या ७ ते ८
• किसलेलं खोबरं
• लिंबाचा रस
• बारीक चिरलेली कोथिंबीर
• आवडीनुसार गोड मसाला वापरू शकता.
• मीठ

हेही वाचा…एक किलो तांदूळ, पाव किलो मटार घालून करा ‘हेल्दी पालक राईस’ ; नोट करा रेसिपी

कृती :

• सर्वप्रथम एका मोठ्या भांड्यात तांदूळ घेऊन ते पाण्यांत तीन ते चार तास भिजत घालावेत.
• त्यानंतर एका मिक्सरच्या भांड्यात आलं, हिरव्या मिरची, कोथिंबीर घेऊन त्याची बारीक पेस्ट करून घ्यावी.
• त्यानंतर एक दुसरे मोठे भांडे घ्या. त्यामध्ये तेल किंवा तूप घालून घ्या.
• नंतर त्यात हिंग, हळद, पाण्यात भिजत घातलेला तांदूळ आणि बारीक करून घेतलेली पेस्ट घालून घ्या.
• तसेच मिश्रणात चिरून घेतलेली तोंडली, भिजवून घेतलेलं काजू, चवीनुसार मीठ, पाणी घालून घ्या आणि मिश्रण चमच्याने एकजीव करून घ्या.
• तर आता भांड्यावर झाकण ठेवून चार ते पाच मिनिटे एक वाफ येऊ द्या. या वाफेवर भात शिजवून घ्या.
• भात शिजवून घेतल्यावर त्यात लिंबाचा रस, थोडं तूप (आवडीनुसार) किसलेलं खोबरं, बारीक चिरून घेतलेली कोथिंबीर घालून घ्या.
• अशाप्रकारे तुमचा ‘तोंडली भात’ तयार.