Mahashivratri 2024 : महाशिवरात्रीसाठी 'थंडाई' कशी बनवायची? पाहा रेसिपी अन् प्रमाण | Mahashivratri 2024 special recipe how to thandai upvas food follow this simple recipe in marathi

महाशिवरात्रीनिमित्त अनेक जण उपवास करतात. या उपवासादरम्यान पिण्यासाठी थंडाई कशी बनवायची, त्याचे साहित्य आणि कृती काय आहे पाहा.

Mahashivratri 2024 special thandai Recipe

Mahashivratri 2024 महाशिवरात्रीसाठी बनवा खास थंडाई रेसिपी [Photo credit - Youtube/Freepik]

Mahashivratri 2024 Recipe : येत्या ८ मार्चला महाशिवरात्री येत आहे. या दिवशी अनेकांचे दिवसभर उपवास असतात. अशावेळेस शरीरामध्ये ऊर्जा निर्माण करण्यासाठी आणि आवश्यक ते पोषक घटक पुरवण्यासाठी फळे आणि उपवासाचे पदार्थ खाल्ले जातात. तसेच अनेक जण थंडाईदेखील अगदी आवडीने पितात.

सुक्यामेव्यांपासून बनवलेली, शरीराला दिवसभर ऊर्जा पुरवणारी ही थंडाई कशी बनवायची ते आज आपण पाहणार आहोत. याची सोपी रेसिपी BecomeAChefAtHome नावाच्या युट्यूब चॅनेलने शेअर केलेली आहे. पौष्टिक आणि ऊर्जा देणारी थंडाई बनवण्याची कृती लिहून यंदाच्या महाशिवरात्रीला बनवून पाहा.

आणखी वाचा

आंजर्लेत शिवरायांचा अवमान करणाऱ्यांच्या तोंडाला काळे फासले

bigg boss 18 advocate Gunaratna sadavarte entry with pet donkey max in salman khan show watch promo

Bigg Boss 18 : गुणरत्न सदावर्तेंची शोमध्ये एन्ट्री,…

Shahala masks, Uran, Navratri festival, loksatta news,

नवरात्रोत्सवात उरणमध्ये शहाळ्याच्या मुखवट्यांची परंपरा

To avoid repeat of incident during Navratri festival police started patrolling in bhiwandi

भिवंडीची पूनरावृत्ती टाळण्यासाठी नवरात्रोत्सवात पोलीस सतर्क समाजमाध्यमांवरील अफवांवर पोलिसांचे लक्ष, गस्तीवर भर

gold price hike in during Navratri festival

ऐन नवरात्राच्या तोंडावर सोन्याच्या दरात बदल… आता २४ कॅरेटसाठी प्रति दहा ग्रॅम…

Violation of noise rules, Kolhapur, noise Kolhapur,

कोल्हापुरात मिरवणुकीत ध्वनी नियमांचे उल्लंघन

Eid Miladunnabi utsav Committee Buldhana organized blood donation camp

बुलढाणा : संकलन साहित्य संपले, पण रक्तदात्यांची रांग कायम!

ऐन सणात फुले महागली ! झेंडू, शेवंतीचे दर दुप्पट, ॲस्टर आठशे रुपये प्रतिकिलो

साहित्य

१ वाटी टरबूजाच्या बिया
१ वाटी काजू
१ वाटी बदाम
१ वाटी पिस्ता
१ वाटी खसखस
१ वाटी वेलची
८-९ काळी मिरी
१ दालचिनी
गुलाबाच्या पाकळ्या [कोरड्या]
१ वाटी साखर
केशर
दूध
खायचा रंग [इच्छेनुसार]

हेही वाचा : Recipe : उपवासाचा दिवशी बनवून बघ ही कुरकुरीत भजी; काय आहे रेसिपी पाहा…

कृती

थंडाईची पूर्व तयारी :

काजू, बदाम, पिस्ता, टरबूजाच्या बिया आणि खसखस हे काही वेळासाठी किंवा रात्रभर भिजवून ठेवावे.

सर्वप्रथम भिजवलेले एक वाटी काजू, १ वाटी बदाम, १ वाटी पिस्ता, १ वाटी टरबूजाच्या बिया आणि १ वाटी खसखस मिक्सरमध्ये वाटून घ्यावे.
आता या वाटलेल्या मिश्रणात एक वाटी दूध घालून, पुन्हा काजू-बदामाचे मिश्रण मिक्सरमध्ये वाटून, त्याची चांगली बारीक अशी पेस्ट तयार करून घ्यावी.
तयार झालेली पेस्ट एका बाऊलमध्ये काढून बाजूला ठेवून द्या.

आता पुन्हा एका स्वच्छ आणि कोरड्या मिक्सरच्या भांड्यात चार ते पाच वेलची, आठ-नऊ काळी मिरी, एक दालचिनी आणि लहान चमचा वाळवलेल्या गुलाबाच्या पाकळ्या असे सर्व पदार्थ घालून त्यांची बारीक पावडर करून घ्यावी.
ही पावडर एका बाऊलमध्ये काढून बाजूला ठेवा.

हेही वाचा : संकष्टी चतुर्थी विशेष साबुदाण्याची खीर; उपवासाच्या दिवशी बनवा ही खास गोड रेसिपी…

थंडाई :

गॅसवर एक पातेले मध्यम आचेवर ठेवा.
त्यामध्ये म्हशीचे साधारण अर्धा लिटर दूध तापवण्यासाठी ठेवून द्यावे.
दूध पूर्णपणे उकळल्यानंतर एका डावाच्या मदतीने मंद आचेवर ते ढवळत राहावे.
आता यामध्ये एक लहान चमचा केशर, गुलाबाच्या पाकळ्यांची तयार केलेली कोरडी पावडर आणि काजूची तयार केलेली ओली पेस्ट घाला.
सर्व पदार्थ घालून झाल्यावर दूध पुन्हा एकदा व्यवस्थित ढवळून घ्यावे.
आता या दुधात एक वाटी साखर घालून सर्व मिश्रण साखर विरघळेपर्यंत ढवळत राहावे.
तुम्हाला हवा असल्यास, एक छोटा चमचा खायचा पिवळा रंग, तयार होत असलेल्या थंडाईमध्ये घालून, दुधाला एक शेवटची उकळी आणावी.
दुधाला उकळी आल्यानंतर पातेल्याखालील गॅस बंद करावा.
आता हे थंडाई साधारण ३० ते ४० मिनिटांसाठी फ्रीजमध्ये थंड करण्यास ठेवून द्या.

थंड झालेली थंडाई ग्लासमध्ये ओतून, त्यावर पिस्त्याची भरभरीत पावडर आणि गुलाबाच्या कोरड्या पाकळ्यांनी सजावट करावी.
महाशिवरात्रीसाठी ऊर्जा देणारी, तशीच अत्यंत पौष्टिक अशी थंडाई पिण्यासाठी तयार आहे.

टीप- दुधाचे प्रमाण हे अंदाजे सांगितलेले आहे. तुम्हाला हवे तसे दुधाचे प्रमाण वाढवून घ्यावे.

युट्यूबवरून @BecomeAChefAtHome नावाच्या चॅनेलने या थंडाईच्या रेसिपीचा व्हिडीओ शेअर केला आहे.

First published on: 05-03-2024 at 18:24 IST

मराठीतील सर्व रेसिपी बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mahashivratri 2024 special recipe how to thandai upvas food follow this simple recipe in marathi dha

Mahashivratri 2024 : महाशिवरात्रीसाठी ‘थंडाई’ कशी बनवायची? पाहा रेसिपी अन् प्रमाण