Corn-Rawa Balls recipe: महिलांना दररोज नाश्त्याला काय बनवायचं? असा प्रश्न नेहमीच पडतो. दररोज पोहे, उपमा, शिरा खाऊन कंटाळा येतो. त्यामुळेच आज आम्ही तुम्हाला कॉर्न-रवा बॉल्स कसे बनवायचे हे सांगणार आहोत. चला तर मग जाणून घेऊ साहित्य आणि कृती…
कॉर्न-रवा बॉल्स बनवण्यासाठी लागणारे साहित्य:
- ३ कप रवा
- ३ ग्लास पाणी
- मीठ चवीनुसार
- २ चमचा चिली फ्लेक्स
- दीड चमचे लाल मिरची पावडर
- १ चमचा हळद
- १ कप उकडलेला मका
- १/२ चमचा मोहरी
- ५-६ हिरव्या मिरच्या
- १ चमचा आल्याची पेस्ट
कॉर्न-रवा बॉल्स बनवण्याची कृती:
हेही वाचा: चटपटीत खावंसं वाटतंय? मग बनवा साबुदाणा फ्रेंच फ्राईज; ही घ्या सोपी रेसिपी…
- सर्वप्रथम एका भांड्यात रवा मंद आचेवर भाजून घ्या आणि भाजल्यानंतर गॅस बंद करा.
- नंतर एका पॅनमध्ये तूप गरम करून त्यात मोहरी नंतर मका, आलं, चिली फ्लेक्स, हळद, मीठ, रवा आणि पाणी घालून मिश्रण सतत हलवून शिजवून घ्या.
- आता हे मिश्रण घट्ट झाल्यावर गॅस बंद करा आणि रव्याचे मिश्रण थंड होण्यासाठी ठेवा.
- आता त्याचे छोटे-छोटे गोळे करून ते गरम तेलात तळून घ्या.
- गरमागरम कॉर्न- रवा बॉल्स सॉसबरोबर सर्व्ह करा.
