दोन वाटी मूग वापरून बनवा हेल्दी मूग डोसा; पटकन वाचा सोपी रेसिपी

मूग डोसा बनविण्यासाठी लागणारे साहित्य :

• २ वाटी मूग
• अर्धी वाटी तांदूळ
• आल्याचा तुकडा
• ५-६ मिरच्या
• ९-१० कढीपत्त्याची पाने
• अर्धी वाटी कोथिंबीर
• मीठ चवीनुसार
• तेल आवश्यकतेनुसार

मूग डोसा बनविण्याची कृती :

हेही वाचा: अवघ्या काही मिनिटांत बनवा पौष्टिक राजगिऱ्याचा शिरा; वाचा साहित्य आणि कृती

• सर्वप्रथम डोसा करण्याच्या ७-८ तासांपूर्वी मूग आणि तांदूळ एकत्र स्वच्छ धुऊन भिजत घाला.
• ७-८ तासांनी पुन्हा एकदा भिजत घातलेले मूग आणि तांदूळ धुऊन घ्या आणि वाटून घेण्यासाठी मिक्सरमध्ये घाला. या वाटणात आलं, मिरच्या, कढीपत्ता, कोथिंबीर, मीठ व थोडंसं पाणीदेखील घाला.
• मूग आणि तांदळाची ही पेस्ट बारीक झाल्यानंतर एका भांड्यात काढून घ्या.
• एका गॅसवर एक तवा गरम करण्यासाठी ठेवून, त्यावर डोसे बनवतो त्याप्रमाणे मुगाचे डोसे बनवा.
• दोन्ही बाजूंनी डोसा छान भाजल्यानंतर खोबऱ्याच्या चटणीबरोबर सर्व्ह करा.