फक्त ३० मिनिटांत बनवा नाचणीचे पौष्टिक कटलेट; वाचा साहित्य आणि कृती

नाचणीचे पौष्टिक कटलेट बनवण्यासाठी लागणारे साहित्य:

• २ वाटी मोड आलेली नाचणी
• ३ उकडलेले बटाटे
• २ मोठे चमचे बेसन
• १ चमचे लाल मिरची पावडर
• १ चमचे धणे पावडर
• १ चमचे जिरे पावडर
• १ चमचे गरम मसाला पावडर
• १/२ चमचे साखर
• १ वाटी कोंथिबीर
• १ वाटी पोहे
• चवीपुरते मीठ
• तळण्यासाठी तेल

नाचणीचे पौष्टिक कटलेट बनवण्याची कृती:

हेही वाचा: मुलांसाठी नाश्त्यात बनवा पपईचा पौष्टिक शिरा; वाचा साहित्य आणि कृती

• सर्वप्रथम मोड आलेली नाचणी मिक्सरला पाणी घालून बारीक वाटून घ्या.
• त्यानंतर एका पातेल्यात घेऊन, त्यात उकडलेले बटाटे कुस्करून घाला.
• नंतर बेसन आणि सर्व मसाले घालून कोथिंबीर बारीक चिरून घालावी.
• त्यानंतर त्यात चवीपुरते मीठ घालून आणि सगळे मिश्रण व्यवस्थित एकजीव करून घ्यावे.
• आता पोहे मिक्सरमध्ये वाटून या मिश्रणात एकत्र करावे.
• फ्राय पॅनमध्ये थोडे तेल घालून त्याचे छोटे-छोटे कटलेट फ्राय करावे.
• तयार गरमागरम नाचणीचे पौष्टिक कटलेट सॉसबरोबर सर्व्ह करा.