१५ मिनिटांत कपभर गूळ, शेंगदाण्याचा बनवा पौष्टीक लाडू; मोजकं साहित्य अन् कृती लिहून घ्या

साहित्य –

१. दोन वाट्या शेंगदाणे
२. एक वाटी सुखं खोबर
३. एक वाटी गूळ

हेही वाचा…घरच्या घरी बनवा मक्यापासून पौष्टीक कटलेट; लहान मुलांनाही भरपूर आवडतील, साहित्य व कृती लगेच लिहून घ्या

कृती –

१. दोन वाटी शेंगदाणे घ्या. पॅनमध्ये व्यवस्थित भाजून घ्या व त्यांची साले काढून टाका.
२. मिक्सरला शेंगदाणे जाडसर बारीक करून घ्या.
३. नंतर यामध्ये सुरीने बारीक करून गूळ, सुख खोबर अर्धी वाटी घाला आणि पुन्हा मिक्सरमध्ये बारीक करून घ्या. {आवडीनुसार बदाम, काजू, पिस्ता हे ड्रायफ्रूट्स घालून सुद्धा तुम्ही हे लाडू करू शकता. }
४. त्यानंतर मिश्रण एक ताटात काढून घ्या आणि लाडू वळण्यास सुरुवात करा .
५. अशाप्रकारे तुमचे ‘शेंगदाण्याचे लाडू’ तयार.

गूळ, शेंगदाणा खाण्याचे आरोग्यदायी फायदे :

पदार्थांची गोडी वाढवण्यासाठी साखरेपेक्षा गुळाचा जास्त वापर केला जातो. खरंतर साखर आणि गुळ दोन्ही उसापासून तयार केले जातात. मात्र, गूळ साखरेच्या तुलनेने आरोग्यास फायदेशीर आहे. गूळ-शेंगदाणे खाल्ल्याने हिमोग्लोबिन लवकर वाढते. शारीरिक अशक्तपणा आल्यानंतर गूळ खाल्ल्यास जास्त फायदा होतो. तर गूळ खाणं जास्त फायदेशीर असले तरीही ते अतिप्रमाणात मात्र खाऊ नये कारण गूळ गरम असतो.

तर शेंगदाण्यामुळे हृदयविकाराचा धोकाही कमी होतो. ते केवळ भरपूर ऊर्जाच नाही तर प्रथिनांनी देखील समृद्ध असतात. तर हे आरोग्यासाठी गुणकारी फायदे लक्षात ठेवून तुम्ही सुद्धा गूळ आणि शेंगदाण्यापासून तयार केलेलं पौष्टीक लाडू बनवा. हे लाडू तुम्ही पंधरा दिवसांपर्यंत कोणतीही चिंता न करता खाऊ शकता.