चटपटीत खावंसं वाटतंय? मग बनवा साबुदाणा फ्रेंच फ्राईज; ही घ्या सोपी रेसिपी…

साबुदाणा फ्रेंच फ्राईज बनवण्यालाठी लागणारे साहित्य:

• २ कप साबुदाणा
• २ बटाटे
• १ चमचा कुटलेले जिरे
• ७-८ हिरवी मिरच्या
• १ वाटी कोथिंबीर
• बारीक केलेली लाल मिरची चवीनुसार
• बारीक केलेली काळी मिरी चवीनुसार
• शेंगदाण्याचे कूट चवीनुसार
• मीठ चवीनुसार
• तेल आवशक्यतेनुसार

साबुदाणा फ्रेंच फ्राईज बनवण्याची कृती:

हेही वाचा: दोन वाटी मूग वापरून बनवा हेल्दी मूग डोसा; पटकन वाचा सोपी रेसिपी

• सर्वांत आधी साबुदाणे मिक्सरमध्ये टाकून बारीक करून घ्या आणि त्याची पावडर बनवा.
• आता ही पावडर ताटात काढून, त्यात जिरे कूट, कोथिंबीर, हिरव्या मिरच्या, लाल मिरच्या, काळी मिरी व मीठ टाका.
• आता बटाटे सोलून त्याचा किस करून घ्या आणि आता हा किस दोन वेळा पाण्याने स्वच्छ धुऊन घ्या.
• त्यानंतर वरील सर्व गोष्टी एकजीव करून, त्याचा कणकेप्रमाणे गोळा तयार करा.
• आता एका पेपरवर हे मिश्रण लाटण्याच्या मदतीने पसरवून घ्या. त्याला फ्रेंच फ्राईजप्रमाणे आकार द्या.
• त्यानंतर कढईत तेल गरम करा आणि मग लालसर सोनेरी रंग येईपर्यंत साबुदाणा फ्रेंच फ्राईज तळून घ्या आणि सर्व्ह करा.