Broccoli salad: ब्रोकोलीमध्ये व्हिटॅमिन-सी भरपूर प्रमाणात असते. त्यामुळे हंगामी आजारांपासून दूर राहण्यास मदत होते. याच्या सेवनाने रोगप्रतिकारक शक्ती मजबूत होते. आठवड्यातून किमान तीन ते चार वेळा बोक्रोली या भाजीचे सेवन केल्यास टाइप-टू मधुमेह, हृदयविकार, अस्थमा आणि कर्करोग यावर आळा घालता येतो. आज आम्ही तुम्हाला ब्रोकलीचे पौष्टिक सलाड कसे बनवायचे हे सांगणार आहोत.
ब्रोकली सलाड बनवण्यासाठी लागणारे साहित्य:
- २ वाटी ब्रोकली
- २ किसलेले गाजर
- १ वाटी उकडलेले स्वीट कॉर्न
- २ वाटी बारीक चिरलेली काकडी
- २ बारीक चिरलेला टोमॅटो
- १ वाटी किसलेले चीज
- १ वाटी दही
- मीठ चवीनुसार
- काळी मिरी पावडर चवीनुसार
ब्रोकली सलाड बनवण्याची कृती:
- सर्वप्रथम ब्रोकली गरम पाण्यात २ मिनिटे उकळवून थंड पाण्यात ठेवा.
- मोठ्या भांड्यामध्ये ब्रोकली, गाजर, स्वीट कॉर्न, काकडी, टोमॅटो एकत्र करा.
- दुसऱ्या भांड्यामध्ये दही,मीठ आणि मिरी पावडर एकत्र करून मिक्स करा.
- दोन्ही बाऊलमधील तयार मिश्रण एकत्र करून सगळं व्यवस्थित मिक्स करा.
- त्यावरून चीज किसून घाला आणि सर्व्ह करा.