Easy Malvani Recipe : कोकणात प्रत्येक पदार्थ बनवण्याची एक वेगळी पद्धत आहे. यात मालवणी स्टाईलचे पदार्थ अधिकच चविष्ट, रुचकर असतात. त्यामुळे अनेकजण मालवणी पदार्थ आवडीने खातात. मालवणी गोड पदार्थ्यांमध्ये खोबऱ्याच्या वड्या, मालवणी खाजा, तांदळाची खीर, काकडीचे धोंडस, चिबुड वडे असे अनेक पदार्थ येतात. याच गोडाच्या पदार्थ्यांमध्ये हमखास बनवला जाणारा पदार्थ म्हणजे मालपुवा. मालवणी पद्धतीने बनवलेले मालपुवा एकदा खाल्ले तर तुम्ही आयुष्यभर त्याची चव विसरणार नाही इतके चविष्ट, असतात. त्यामुळे आपणही आज मालवणी पद्धतीने मालपुवा कसे बनवायचे याची रेसिपी पाहणार आहोत.
साहित्य-
एक कप मैदा, अर्धा कप रवा, अर्धा कप गुळ, दोन चमचे तांदळाचे पीठ, दोन चमचे गव्हाचे पीठ, जायफळ वेलची पूड, चवीसाठी मीठ, दही, एक कप दूध.
कोणत्याही वाटणाशिवाय १० मिनिटांत बनवा झणझणीत ‘कोळंबी मसाला’; पटकन नोट करा सोपी रेसिपी…
कृती
सर्वप्रथम एका भांड्यात मैदा आणि रवा चांगल्याप्रकारे एकत्र करुन घ्या. आता त्यात गव्हाचे आणि तांदळाचे पीठ मिक्स करा, यानंतर बारीक किसून घेतलेला गूळ पीठात चांगल्याप्रकारे एकजीव करुन घ्या. आता एक चमचा दही आणि थोडे दूध टाकून सर्व मिश्रण पुन्हा चांगल्याप्रकारे एकजीव करा. पीठात गुठळ्या होऊ नये म्हणून आणि पीठ दह्याप्रमाणे चांगल्याप्रकारे तयार व्हावे यासाठी थोडे थोडे दूध टाकून मिश्रण सतत ढवळत राहा. आता तयार पीठ अर्था तास तसेच ठेवा. यानंतर पीठात जायफळ, वेलची पूड आणि थोडा खायचा सोडा मिक्स करा.
दुसरीकडे एका कढईत तेल चांगल्या प्रकारे गरम करण्यासाठी ठेवा. तेल गरम होताच त्यात तयार पीठ चमच्याच्या साहाय्याने गोल आकारात सोडा. अशाप्रकारे तुम्ही सर्व मालपुवा तयार करुन घ्या. यानंतर ते खाण्यासाठी रबडीबरोबर सर्व्ह करा.
(ही रेसिपी आपण PARAB KITCHEN या युट्युब चॅनलवरुन घेतली आहे.)
