काकडीपासून बनवा अस्सल मालवणी ‘तवसाच्या वड्या; जाणून घ्या सोपी रेसिपी

साहित्य

४ कप तवसाचा खीस ( काकडीचा खीस ), ५ टेबल स्पून साजूक तूप, २५० ग्रॅम बारीक रवा (३ कप), २०० ग्रॅम गूळ, ½ कप दूध, ½ कप ओल्या नारळाचा खीस, ½ टी स्पून वेलदोड्याची पूड, चिमूटभर जायफळ पावडर, सोयीनुसार काजूचे काप, किशमिश आणि सजावटीसाठी पिस्त्याचे काप.

आणखी वाचा

हिवाळ्यात हा चटकदार पदार्थ खायलाच हवा, जेवण होईल चवदार; मुळ्याचे रायते कसे करायचे जाणून घ्या

वाल्मिक कराड ज्या गाडीतून शरण आला त्या गाडीच्या…

ठाणे जिल्ह्याचे पाणी महागणार ? एमआयडीसीची पाणी योजना तोट्यात, दर वाढवण्याच्या हालचाली

कांदा स्वस्त; गृहिणींना दिलासा, आठवडाभरात किलोमागे २० ते २५ रुपयांनी घट

थंडीत बनवा क्रिस्पी चटपटी मटर कचोरी! चहासोबत खासच लागते मटार कचोरी; नक्की ट्राय करा सोपी रेसिपी

लोकशिवार : नॅनो खते; पिकांच्या अन्नद्रव्य व्यवस्थापनातील आविष्कार

मैद्याचे बिस्किट सोडा मुलांसाठी घरीच बनवा पौष्टिक नाचणीचे बिस्कीट; वाचा साहित्य आणि रेसिपी

मिरजेत प्रदूषित पाण्यामुळे हजारो मासे मृत; मिरजेतील ऐतिहासिक गणेश तलावातील घटना

कृती –

प्रथम एका पॅनमध्ये ४ टेबल स्पून साजूक तूप घालून चांगले गरम करावे. यानंतर तूप गरम झाल्यावर त्यात रवा सोनेरी रंग येईपर्यंत परतून घ्यावा. परतून झालेला रवा एका बाऊलमध्ये काढून घ्या. आता त्याच पॅनमध्ये काकडीचा खीस आणि गूळ घालून गूळ वितळेपर्यंत परतून घ्या.

गूळ वितळल्यावर त्यात भाजलेला रवा घालावा आणि सोबत दूध आणि १ टेबल स्पून साजूक तूप घालावे. आता संपूर्ण मिश्रण चांगले एकजीव आणि घट्ट होईपर्यंत परतून घ्यावे. मिश्रण हलके घट्ट झाल्यावर त्यात वेलची पावडर, जायफळ पावडर, काजूचे काप आणि किशमिश घालून पुन्हा एकजीव करावे आणि २ मिनिटे झाकण ठेवून वाफ काढावी.

२ मिनिटांनी गॅस बंद करावा. एका खोलगट स्टीलच्या स्पेटला तुपाचा हात फिरून घ्या म्हणजे वड्या खाली चिकटणार नाहीत. आता या प्लेटमध्ये तयार तवसाचे मिश्रण घालून नीट पसरवून घ्या. वरून पिस्त्याचे काप लावून ३० मिनिटे हे थंड करून घ्या. तवसाचे मिश्रण थंड झाल्यावर वड्या पाडून घ्याव्यात. अशाप्रकारे तयार झाल्या स्वादिष्ट तवसाच्या वड्या…