रसाळ आंब्यापासून झटपट बनवा स्वादिष्ट आमरस, VIDEO पाहा अन् ‘ही’ सोपी रेसिपी लगेच नोट करा!

पिकलेल्या हापूस आंब्यापासून आंबा आईस्क्रीम, आंबा शिरा, आंबा बर्फी, आंबा ज्यूस, आंबा मिल्क शेक असे अनेक पदार्थ तुम्ही बनवू शकता. आंब्याच्या सीझनमध्ये आमरस हा एक असा गोड पदार्थ आहे की, जो उन्हाळ्यात बनवून आवडीने खाल्ला जाऊ शकतो. आता आंब्यांचा सीझन सुरू झाला आहे. तेव्हा तुम्हाला आंबे खाण्याची उत्सुकता नक्कीच निर्माण झाली असेल. जेवणात आमरस आणि पुरीचा बेत आता सगळ्यांच्या घरी पाहायला मिळतो आहे. तेव्हा या लेखातून ते जाणून घ्या, घरच्या घरी आमरस बनवण्याची सोपी रेसिपी पाहा. आमरस बनवणे सोपे असून, तो झटपट तयार होतो. चला तर मग जाणून घ्या आमरसाची रेसिपी.

आमरसासाठी लागणारे साहित्य जाणून घ्या

आंबे
दूध
वेलची पूड
साखर

झटपट आमरस बनविण्याची कृती जाणून घ्या

आमरस बनविण्यासाठी आधी आंबे अर्धा तास स्वच्छ पाण्यामध्ये बुडवून ठेवावेत. नंतर पाण्यातून आंबे बाहेर काढून ते स्वच्छ टॉवेलने नीट पुसून घ्या. आता आंब्यांच्या साली काढून घ्या आणि त्या आंब्यांचे तुकडे करा. आंब्याच्या फोडी एका बाऊलमध्ये काढून घ्या. त्यानंतर आंब्याच्या फोडी, दूध, साखर, वेलची पूड मिक्सरमध्ये टाकून बारीक फिरवून घ्या. आमरस हा मिक्सरमध्ये बनवल्यावर तो एकसारखा होतो आणि गाठी राहत नाहीत. आमरस गार करून, बर्फाच्या काही तुकड्यांसह ग्लासमधून सर्व्ह करा. या रेसिपीला फॉलो करून पाहा. काही मिनिटात गोडसर आमरस तयार होईल.