Mung Chat Recipe In Marathi: ऑफिसमध्ये काम करताना, प्रवासादरम्यान किंवा वॉक घेताना आपण सहज काहीतरी खात असतो, चघळत असतो. काहींना काम करता-करता टाइमपास म्हणून ठराविक पदार्थ खाण्याची आवड असते. असे लोक तोंड सुरु राहावे यासाठी खोबरं, शेंगदाणे वगैरे गोष्टी खात असतात. पण हे पदार्थ खाऊन कधीकधी कंटाळा येऊ शकतो. अशा वेळी तुम्ही मूग चाट (Mung Chat) हा पर्याय म्हणू शकता. मोड आलेल्या मुगापासून चाट बनवून खाता येते. शरीरासाठी फायदेशीर असणारा हा पदार्थ तुम्ही कधीही खाऊ शकता. सकाळी किंवा संध्याकाळी पौष्टिक नाश्ता म्हणूनही मुगाची चाट खाल्ली जाते. हेल्थची काळजी घेणाऱ्या फीटनेस फ्रीक लोक देखील ही चाट चवीने खातात.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
साहित्य –
- मोड आलेले मूग २ मोठे चमचे
- कांदा १ मध्यम
- सिमला मिरची १ मोठा चमचा (बारीक चिरलेली)
- दाण्याचा कूट १ चमचा
- सैंधव मीठ चवीनुसार
- कोथिंबीर १ चमचा (चिरलेली)
- चवीसाठी आमचूर पावडर/लिंबू रस,
- लाल तिखट
- मीठ
- खजूर- चिंचेची गोड चटणी
कृती –
- मोड आलेले मूग हे पूर्णपणे वाफवून/शिजवून घ्या.
- एका भांड्यात मूग (पाणी निथळून) त्यात बारीक चिरलेला कांदा, सिमला मिरची, कोथिंबीर, दाण्याचा कूट घालून मिश्रण एकजीव करून घ्या.
- चवीसाठी त्या सैंधव मीठ, आमचूर पावडर/लिंबू रस, तिखट, मीठ, खजूर- चिंचेची चटणी घालून मिश्रण एकत्रित करा.
- कोथिंबीर सजावटीसाठी वरती पेरून घ्या.
आणखी वाचा – घरच्या घरी बनवा हॉटेल स्टाइल चविष्ट ‘Chicken 65’! आजच करा खास नॉन-व्हेज बेत
(ही रेसिपी लोकसत्ता पूर्णब्रम्ह अंकातून घेतलेली आहे.)
First published on: 05-06-2023 at 16:45 IST
मराठीतील सर्व रेसिपी बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Mung chat recipe in marathi how to make tasty and healthy mung chat in 10 minutes know more yps