नवरात्रोत्सव ३ ऑक्टोबरपासून सुरु झाला आहे. नवरात्रीमध्ये अनेकजण ९ दिवसांचा उपवास करतात. अशावेळी रोज रोज साबुदाणा खिचडी खाणे शक्य होत नाही. त्यामुळे उपवासाचे वेगळे पदार्थ तुम्ही बनवू शकता. उपवासाच्या पदार्थांपैकी अशाच एका पदार्थ म्हणजे उपवासाची भाकरी.
तुम्हाला जर साबुदाणा खिचडी नको असेल तर तुम्हा साबुदाण्याच्या पिठाची भाकरी खाऊ शकता. यासाठी फार कष्ट घ्यावे लागत नाही. तुम्ही स्वयंपाक घरात असलेले उपवासाचे पदार्थ वापरून ही भाकरी तयार करू शकता. लहान मुलांसह मोठ्यांना ही भाकरी नक्की आवडेल. साबुदाण्याच्या पिठाची भाकरी कशी बनवायची हे जाणून घेऊ या
हेही वाचा – कच्चा बटाटा व गव्हाच्या पिठाचे बनवा खमंग अन् कुरकुरीत नाश्ता, तेही फक्त १० मिनिटांत
साबुदाण्याच्या पिठाची भाकरी
साबुदाण्याच्या पिठाची भाकरीसाठी लागणारे साहित्य
- साबुदाणा १ वाटी
- शिजवलले बटाटे २-३
- मिरची पेस्ट – १ चमचा
- मीठ
- तूप
हेही वाचा – Navratri Special : नवरात्र विशेष झटपट बनवा जाळीदार मऊ उपवासाची इडली-चटणी
साबुदाण्याच्या पिठाची भाकरी बनवण्याची कृती
- प्रथम एका भांडे गॅसवर तापवून त्यात एक वाटी साबुदाणा टाका आणि चांगला भाजून घ्या
- आता भाजलेला साबुदाणा मिक्सरमध्ये टाकून त्याची पिठी करून घ्या.
- आता एका चाळणीने साबुदाणा चाळून घ्या.
- बटाटे शिवजून साल काढून घ्या
- साबुदाण्याच्या पिठात शिजवलेले बटाटे आणि मिरचीची पेस्ट आणि मीठ टाका आणि चांगले मळून घ्या
- आता तयार पिठाचा गोळा करून साबुदाण्याची पिठी वापरून थापून किंवा लाटून घ्या
- आता गरम तव्यावर तयार केलली भाकरी भाजून घ्या भाकरी भाजताना तुम्ही त्याला तूप लावू शकता.
आता गरमा गरम भाकरी उपवासाचा मिरचीचा ठेचा किंवा बटाट्याच्या भाजीबरोबर खाऊ शकता.
