– डॉ. सारिका सातव
साहित्य
* २ वाटय़ा गव्हाचे पीठ, २ चमचे मुगाचे पीठ, दोन मोठे चमचे पावभाजी मसाला, चवीपुरते मीठ आणि २ चमचे तेल.
कृती
* गव्हाच्या पिठात सर्व साहित्य टाकून, आवश्यकतेनुसार पाणी टाकून घट्टसर पीठ मळावे.
* तयार पीठ १५-२० मिनिटे ठेवून लिंबाच्या आकाराचे छोटे गोळे तयार करावेत.
* प्रत्येक गोळा चपातीप्रमाणे पातळसर लाटावा.
* मंद आचेवर कुरकुरीत, कडक भाजून घ्यावा. भाजताना कापडाने दाबत राहावे.
* खाकरा मेकर यंत्राचाही वापर करता येईल.
वैशिष्टय़े
* तेलाचा वापर अतिशय कमी प्रमाणात होत असल्यामुळे यात उष्मांक कमी असतात.
* चव उत्तम असते.
* प्रवासाला नेण्यासाठी हा पदार्थ उत्तम ठरतो. बरेच दिवस टिकतो.
* लहान मुलांना डब्यात देण्यासाठी किंवा मोठय़ांच्या नाश्त्यासाठी उत्तम पदार्थ
* तंतुमय पदार्थ आणि प्रथिने भरपूर प्रमाणात असतात.
* मोड आलेली कडधान्ये किंवा फुटाण्याच्या चटणीबरोबर दिल्यास वजन कमी करणाऱ्यांसाठी, मधुमेहींसाठी, रक्तदाबाच्या रुग्णांसाठी उत्तम.
