Puri Bhaji Recipe : पुरी भाजी हा लहानांपासून मोठ्यांपर्यंत सर्वांना आवडणारा पदार्थ आहे. अनेक जण आवडीने पुरी भाजी खातात. काही लोकांना हॉटेलमधील पुरी भाजी खायला आवडते पण तुम्ही घरी सुद्धा हॉटेलसारखीच चविष्ठ पुरी भाजी बनवू शकता. ही पुरी भाजी बनविणे अगदी सोपी आहे. त्यासाठी तुम्हाला ही खास रेसिपी जाणून घ्यावी लागेल.
पुरी कशी बनवावी?
साहित्य
- गव्हाचे पीठ
- रवा
- मीठ
- तेल
- मीठ
कृती
- सुरुवातीला गव्हाचे पीठ एका भांड्यात घ्यावे. त्यात रवा टाकावा
- त्यानंतर त्यात थोडे गरम तेल टाकावे.
- थोडे चवीनुसार मीठ घालावे
- पाण्याने पीठ मळून घ्यावे.
- पीठ कडक मळावे.
- अर्धा तास हे मळलेले पीठ झाकूण ठेवावे.
- त्यानंतर तेल लावून पुरी लाटून घ्यावी.
- पुरी तळण्यासाठी कढईत तेल गरम करावे.
- गरम तेलात पुरी तळून घ्यावी.
हेही वाचा : २२ जानेवारीला घरी बनवा प्रभू रामाचा प्रसाद, ही सोपी रेसिपी लगेच जाणून घ्या
अक्षराच्या प्रेग्नन्सीबद्दल अधिपती अनभिज्ञ! भुवनेश्वरी खेळणार मोठा डाव…; ‘तुला शिकवीन चांगलाच धडा’ मालिकेत पुढे काय घडणार?
‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?
थंडीच्या दिवसात सकाळी उठल्यावर सर्वात आधी कोणत्या पदार्थांचे सेवन करायला हवे?
अशक्तपणा दूर करण्यासाठी सकाळच्या नाश्त्यामध्ये घ्या घरच्या घरी बनलेली एनर्जी बूस्टर पावडर
हिवाळ्यात हा चटकदार पदार्थ खायलाच हवा, जेवण होईल चवदार; मुळ्याचे रायते कसे करायचे जाणून घ्या
अवघ्या काही मिनिटांत बनवा काबुली चन्याचे कबाब; वाचा साहित्य आणि कृती
“महाराष्ट्रात स्क्रिन्स मिळत नाहीयेत यापेक्षा दुर्दैव…”, प्रथमेश परबने व्यक्त केली खंत; म्हणाला, “मायबाप प्रेक्षकांपर्यंत…”
अवघी दुमदुमली संतनगरी! विदर्भ पंढरीत पाऊण लाख भाविकांची मंदियाळी…
भाजी कशी बनवावी?
साहित्य
- बारीक चिरलेला कांदा
- बारीक चिरलेले टोमॅटो
- कढीपत्ता
- उकळलेले बटाटे
- लसूण
- आलं
- जिरे
- मोहरी
- हिंग
- लाल तिखट
- लवंग
- मिरे
- दालचिनी
- खोबरे
- धनेपूड
- गरम मसाला
- बारीक चिरलेली कोथिंबीर
- मीठ
कृती
- सुरुवातीला बटाटे उकळून घ्या.
- त्यानंतर हे बटाटे सोलून घ्या आणि हाताने कुस्करुन घ्या.
- त्यानंतर लसूण आणि आलं बारीक ठेचून घ्या.
- कढई गॅसवर ठेवा त्यात तेल गरम करा.
- त्यानंतर गरम तेलात मोहरी आणि जिरे टाका
- त्यानंतर त्यात दालचिनी, तीन लवंग, तीन मिरे टाकावीत
- दोन तेजपान टाकावे आणि त्यात ठेचून घेतलेले आलं लसूण त्यात टाकावे.
- त्यानंतर बारीक चिरलेला कांदा टाकावा.
- त्यानंतर त्यात कढीपत्ता घालावा.
- त्यानंतर त्यात बारीक चिरलेला टोमॅटो घालावा.
- त्यात बारीक किसलेले खोबरे त्यात घालावे.
- त्यात हळद आणि हिंग टाका.
- कमी आचेवर परतून घ्या
- लाल तिखट, धनेपूड, गरम मसाला त्यात टाका आणि परतून घ्या.
- त्यानंतर उकळलेले बटाटे त्यात टाका आणि चांगले परतून घ्या.
- शेवटी त्यात थोडे प्रमाणानुसार गरम पाणी घाला.
- भाजीला उकळी येऊ द्या.
- शेवटी बारीक चिरलेली कोथिंबीर यात टाका.शेवटी ही गरमा गरम पुरी भाजी तुम्ही सर्व्ह करू शकता.
