स्वयंपाक करणे हे वाटते तितकी सोपी गोष्ट नाही. स्वयंपाक करणे हे कौशल्य आहे हे जे मिळवण्यासाठी दिवस-रात्र मेहनत करावी लागते तेव्हा ते साध्य करता येते. रोजचा स्वयंपाक करता येत असला तरी काही गोष्टी प्रत्येक गोष्ट परफेक्ट करता येतेच असे नाही. साबुदाना खिचडी बनवताना कधी चिकच होते तर कधी नीट पचत नाही, कढी करताना ती फुटते.. अशा एक ना अनेक अडचणी येतात. नव्याने स्वयंपाक शिकणाऱ्यांना अशा परिस्थिती काय करावे सुचत नाही म्हणून काही सोप्या टिप्स येथे सांगितल्या आहेत जे तासभराचे काम झटक्यात पूर्ण करू शकतात.
युट्यूब चॅनेल Sarita’s Kitchenवरपोस्ट केलेल्या या व्हिडीओमध्ये सुगरण होण्यासाठी आणि रोजचा स्वयंपाक सुखकर होण्यासाठी काही खास टिप्स सांगितल्या आहेत त्या जाणून घेऊ या.
खीर
गाजर, खोबरे, शेवईची किंवा कोणत्याही प्रकारची खीर बनवताना सहसा तो पदार्थ तूपात परतून घेतो त्यात साखर, दूध आणि सुकामेवा टाकून बनवतो पण त्यावेळी सारखेचा गोडवा दुधात उतरतो पण त्या पदार्थाला तो गोडवा येत नाही. म्हणून तुपात तो पदार्थ भाजल्यानंतर त्यात अर्धी वाटी पाणी आणि साखर घालून चांगले मिसळून घ्या आणि झाकण ठेवून मंद आचेवर शिजवून घ्यावे. त्यामुळे पदार्थामध्ये गोडवा उतरतो. नंतर मग दूध घालून खीर चांगली शिजवून घेऊ शकता. तुमची खीर अगदी चविष्ट होईल.
साबुदाणा खिचडी
अनेकदा साबुदाणा भिजवल्यानंतर व्यवस्थित भिजतो, मोकळा होतो, पाणी देखील जास्त नसते किंवा कमी नसते. साबुदाणा खिचडी केल्यानंतर गरम असते तेव्हा मऊ होते पण थंड झाली की आपण त्याला गरम करताना पुन्हा वाफ दिली की तो चिकट होतो. साबुदाणा खिचडी करताना तेल किंवा तुपात मिर्ची, बटाटा परतून घेताना त्यातच दाण्याचा कुट व अर्ध्या लिंबाचा रस पिळायाचा आणि मग त्यात भिजवलेला साबुदाणा टाकून छान परतून घ्यायचे. लिंबाच्या रसामुळे साबुदाणा खिचडी चिकट होत नाही, छान मोकळी होते. थंड झाल्यावरही ती मोकळीच राहते.
अंड्याचे ऑम्लेट
अंड्याचे ऑम्लेट करताना फेटलेल्या अंड्यामध्ये आपण कांदा-टोमॅटो तिखट मीठ टाकतो पण ते नीट एकजीव होत नाही. तिखट-मीठाच्या गाठी त्यात राहतात आणि ऑम्लेट खाताना नेमका हा तिखटा मिठाचा खास तिखट किंवा खारट लागतो आणि थेट तव्यावर अंड फोडून टाकले आणि त्यावर तिखट मिठ टाकले तरी त्याची चव ऑम्लेटमध्ये उतरत नाही. मग अशा वेळी काय करायचं? ऑम्लेटसाठी प्रथम एका भांड्यात कांदा टोमटो कोथिंबीर घ्या त्यात तिखट मीठ टाकून व्यवस्थित एकत्र करून घ्या आणि मग त्यात अंडे फोडून चांगले फेटून घ्या. अंड्याचे ऑम्लेटमध्ये कांदा टोमॅटो नको असेल तर सुरुवातीला मीठाचे पाणी करून चांगले एकत्र करून घ्या आणि त्यात अंडे घालून ऑम्लेट करा.
कढी
कढी चांगली व्हावी म्हणून आपण सुरुवातीला बेसन ताक किंवा दह्यामध्ये मिसळतो पण बऱ्याचदा कढी उकळल्याने ती फुटते. कढीच्या नावातच त्याचा अर्थ दडलेला आहे म्हणजे कढीही जास्त कढवून घ्यायची असते म्हणजे मंद आचेवर ती उकळाची असते. बऱ्याचदा आपण कढीला उकळी आली की गॅस बंद करतो तरी कढी फुटते. अशा वेळी नेहमी प्रमाणे कढी बनवा. मंद आचेवर हवे तितकी कढी उकळून घ्या, तुम्हाला हवी तशी कढी झाली की शेवटी त्यात अर्धा चमचा मीठ टाका, १५ सेकंद गॅस चालू ठेवून हलवून घ्या आणि गॅस बंद करा. कढी फुटण्याचे कारण हे मीठ असते त्यामुळे शेवटी मीठ घातल्यानंतर कढी फुटत नाही आणि तुम्हाला छान खमंग कढी तयार होते
वाटण आणि रस्सा भाजी
अनेकदा वाटण छान होते, चव छान होते पण त्यात पाणी घातले की रस्सा एकीकडे आणि मसाला एकीकडे होतो. हे टाळण्यासाठी पाणी टाकण्याआधी वाटण तेलात भाजताना १-२ चमचे बेसन पीठ घाला. ते वाटणाला बांधून ठेवते. पाणी टाकल्यानंतरही ते घट्ट राहते. मासंहारी रस्सा करताना बेसन ऐवजी ज्वारी किंवा बाजरीचे पीठ वापरू शकता.
/
कोथिंबीर
आपल्याला भाजीमध्ये कोथिंबीरीची चव आवडते. अनेकदा कोथिंबीर काळी पडते म्हणून घालतच नाही किंवा शेवटी शेवटी घालतो त्यामुळे तिची चव हवी तितकी उतरत नाही. फोडणी केली की थोडी कोंथिबीर घातली तर तिची चव फोडणीसह भाजीमध्ये उतरते आणि तिचा रंगही हिरवा राहतो पदार्थ तयार झाल्यानंतर वरून घालायची आणि एकत्र करून गॅस बंद करायचा म्हणजे ती काळी पडत नाही. रस्सा भाजीमध्ये कोथिंबीर घातल्यानंतर तिला झाकण ठेवून शिजवू अथवा उकळवू नका अन्यथा ती काळी पडते. कोथिंबीर घालून मंद आचेवर न झाकता उकळून घ्या म्हणजे रस्सा भाजीतही कोथिंबीर काळी पडणार नाही
ढोकळा
झटपट ढोकळा करताना आपण इनो किंवा सोडा घालता तेव्हा जेव्हा पाणी उकळवून घेता तेव्हाच मिश्रणता सोडा किंवा इनो घालायचा पण अनेकदा ढोकळ्याचा रंग लाल होतो कारण त्यात हळद आणि सोड्याची प्रक्रिया होऊन त्याचा रंग लाल होतो त्यामुळे सोडा किंवा इनो वापरून तुम्हाला झटपट ढोकळा करायचा असेल तर त्यात हळद अगदी किंचित घालायची फक्त रंग येईल इतकीच. दोन ते तीन चिमुट हळद घाला. हळद नाही घातली तरी चालेल.
थालपीठ
अनेकदा थालपीठाची भाजणी चांगली झालेली असते पण वातड होते. थालपीठ वातड होण्याचे कारण म्हणजे ते नीट भाजले जाते. आता थालपीठ करताना आधी ते आपण ओल्या कापडावर थापतो, मग तापलेल्या तव्याच्या मधोमध टाकतो. कापड काढून घेतो आणि झाकण ठेवायचे. बरेचदा आपण झाकण न ठेवता भाजतो त्यामुळे वरची बाजू सुकते आणि चिरा पडतात आणि त्यातील ओलावा निघून गेल्यावर ते वातड होते. म्हणून थालपीठ तव्यावर टाकले की लगेच झाकण ठेवा. अर्धा मिनिटे भाजा. पुन्हा झाकण ठेवण्याची गरज नाही. तुम्हाला छान कुरकुरीत थालीपीठ आवडत असेल तर थालपीठ तव्यावरून काढण्याआधी गॅस मोठा करून अर्धा मिनिटे भाजा.
उकडलेले अंडे
अनेकदा उकडलेली जास्तीची अंडी उकडली जातात अशावेळी अंड्याची साल न काढता तशीच राहू द्या. जेव्हा वापर करायचा तेव्हा साल काढून वापरा. उकडलेले अंडे साल न काढता फ्रिजमध्ये ठेवली तर दोन दिवस राहतात आणि फ्रिज बाहेर २४ तास राहतात त्यामुळे २४ तासाचा प्रवास करताना तुम्ही बरोबर अंडी ठेवू शकता.
