How To Make Sabudana Tokri Chaat : उपवास म्हंटल की, डोळ्यासमोर येतात ते साबुदाण्याचे विविध पदार्थ. साबुदाणा खिचडी, वडे, साबुदाण्याची पेज तर वेगवेगळ्या फळांचं सेवन. अशातच तुम्हाला उपवासाचे तेच तेच पदार्थ खाऊन कंटाळा आला असेल तर आम्ही तुमच्यासाठी एक खास पदार्थ घेऊन आलो आहोत, ज्याचे नाव आहे ‘साबुदाणा कटोरी चाट’ (Sabudana Tokri Chaat) . तर आज आपण साबुदाणा कटोरी चाट कशी बनवायची हे पाहुयात…
कटोरी बनवण्यासाठी (Sabudana Tokri Chaat) साहित्य :
१. १.५ कप साबुदाणा (भिजवलेला)
२. एक उकडलेला बटाटा
३. १/४ कप, चिरलेली कोथिंबीर
४. दोन हिरव्या मिरच्या
५. १/२ कप शेंगदाण्याची कूट
६. १/४ कप सिंघाड़ा पीठ (सिंघाड़ा फळाच्या बियांपासून बनवलेलं पीठ)
७. मीठ (सैंधव)
८. दोन चमचे जिरे
कटोरी स्टफिंगसाठी साहित्य :
१. दोन चमचे तेल
२. दोन उकडलेले आणि सोललेले बटाटे
३. एक चमचा जीरा पावडर
४. एक चमचा लाल मिरची पावडर
५. चवीनुसार मीठ
व्हिडीओ नक्की बघा…
कृती :
१. एका बाउलमध्ये भिजवलेले साबुदाणा घ्या.
२. त्यात बटाटा, कोथिंबीर, हिरव्या मिरच्या, शेंगदाण्याचा कूट, सिंघाड़ा पीठ, जीरा, मीठ (सैंधव मीठ) टाका आणि मिश्रण एकजीव करून घ्या.
३. नंतर एका छोट्या वाटीच्या मागच्या बाजूस तेल लावून घ्या आणि तयार मिश्रण त्याच्यावर चिटकवा.
४. त्यानंतर तेलात वाटी टाका. व्हिडीओत दाखवल्याप्रमाणे तुमची कटोरी तयार होईल.
५. त्यानंतर पॅनमध्ये तेल घ्या, त्यात बटाटाट्याचे छोटे तुकडे, जीरा पावडर, लाल मिरची पावडर टाका आणि व्यवस्थित परतवून घ्या.
६. तयार साबुदाणा कटोरीमध्ये फ्राय करून घेतलेला बटाटा, दही, पुदिना चटणी, चिंचेची चटणी, डाळिंबाचे दाणे, शेव घाला.
७. अशाप्रकारे तुमची साबुदाणा कटोरी चाट (Sabudana Tokri Chaat) तयार.
सोशल मीडियावर हा व्हिडीओ आणि ही रेसिपी @chefguntas या इन्स्टाग्राम अकाउंटवरून शेअर करण्यात आली आहे.
साबुदाण्याच्या सेवनाचे फायदे :
साबुदाणा पचायला हलका असल्याने पचनशक्ती सुधारण्यास मदत होते. तसेच गॅस आणि अपचन सारख्या समस्यांपासून सुटका होते तर साबुदाण्यामध्ये असलेल्या पोटॅशियममुळे रक्तप्रवाह नियंत्रित राहण्यास मदत होते.उपवासाच्या दिवशी शरीरातील वाढलेली उष्णता साबुदाण्याच्या सेवनाने कमी करण्यास मदत होते.साबुदाण्यामध्ये कार्बोहाइड्रेट असतात. कार्बोहाइड्रेट शरीरास ऊर्जा मिळवून देण्यास मदत करतात.
