Sevai Upma Recipe In Marathi: सकाळी नाश्त्यात पोहे, उपमा खाऊन तुम्ही कंटाळला असाल तर तुम्ही पौष्टिक नाश्त्यासाठी एक हटके पदार्थ करू शकता. तुम्ही शेवयाचा चवदार असा उपमा सकाळच्या नाश्त्यासाठी बनवू शकता. झटपट होणारा हा पदार्थ चवीला अप्रतिम आणि तितकाच पौष्टिक आहे. लहान मुलांपासून वृद्ध लोकांपर्यंत कोणीही हा पौष्टिक असा नाश्ता कोणालाही आवडले. झटपट केलेला शेवयाचा उपमा खूप टेस्टी व सुंदर होतोच पण चवीला व पचायलाही खूप हलका असतो. तुम्ही एकदा खाल तर पुन्हा पुन्हा बनवून खाल. आता तुम्हाला प्रश्न पडला असेल की शेवयाचा उपमा कसा बनवायचा, तर त्यासाठी ही सोपी रेसिपी लगेच नोट करा.
साहित्य
१ मोठी वाटी भरून शेवया बारीक केलेल्या
मोठा कांदा बारीक कापलेला
१ इंच किसलेलं आलं
३ लाल मिरच्या, एक चमचा चिली फ्लेक्स
१/२ चमचा जीरे
अर्धा चमचा मोहरी
पाव चमचा हिंग
एक चमचा चणाडाळ उडीद डाळ मिक्स
१५ कढीपत्त्याची पाने
२ टेबलस्पून तेल
चवीनुसार मीठ
अर्धा चमचा साखर
१/४ वाटी शेंगदाणे,पाव वाटी खोवलेलं नारळ
अर्ध्या लिंबाचा रस
कोथिंबीर थोडीशी धुवून बारीक कापलेली
कृती
प्रथम कढई गॅसवर ठेवून त्यामध्ये तेल टाका. तेल तापले की हिंग, मोहरी, जिरं व डाळी घालून त्यामध्ये कांदा टाका. तसंच मिरची व कढीपत्ता टाकून छान परता.
मग त्यामध्ये शेगदाणे टाकून तेही छान लालसर परता. मग त्यामध्ये चिली फ्लक्स व नूडल्स घाला व छान परतून त्यामध्ये गरम पाणी घाला.
मग त्यामध्ये लिंबाचा रस, मीठ, साखर व कोथिंबीर आल्याचा किस घालून छान परता व मिश्रण घट्ट होऊ द्या.
घट्ट होऊन सुटे झाले की त्यामध्ये उरलेली कोथिंबीर व ओलं खोबरं घालून परत एकजीव करा व गरम गरम खायला द्या.
