स्वादिष्ट सामिष : सुकटी भरलेली वांगी

साहित्य

एक वाटी जवळा, सहा वांगी, एक लहान कांदा, दीड वाटी सुक्या खोबऱ्याचा कीस, दोन टेबलस्पून लाल तिखट/आगरी मसाला, एक टेबलस्पून चिंचेचा कोळ, एक टेबलस्पून कोथिंबीर, एक टिस्पून लसणीचा ठेचा, तेल मीठ चवीनुसार.

कृती- 

वांग्यात दोन काप देऊन चार भाग करून घ्यावे व पाण्यात ठेवावे. जवळा तव्यावर कुरकुरीत भाजून घ्यावा. नंतर त्यात खोबऱ्याचा कीस, बारीक कापलेला कांदा, कोथिंबीर, लसूण, लाल तिखट, चिंचेचा कोळ, मीठ टाकून चांगले मिश्रण करावे. नंतर हे मिश्रण वांग्यांमध्ये भरावे. तव्यावर वांगी तळण्यास ठेवावीत. वर झाकण ठेवून वांग्याच्या दोन्ही बाजू चांगल्या भाजून घ्याव्यात.