दिवाळीत लाडू, करंज्या बनवायला वेळ नाही? मग किमान बालूशाहीची ही सोपी रेसिपी नक्की ट्राय करा

बालूशाही बनवण्यासाठी लागणारे साहित्य:

• १ कप मैदा
• १/२ चमचा खाण्याचा सोडा
• २ चमचे तूप
• ३ चमचे दही
• १ कप साखरेचा अर्धा कप पाक
• ४ कप तूप
• मीठ

बालूशाही बनवण्याची कृती:

हेही वाचा: झटपट बनवा चविष्ट अन् पौष्टिक पालक पाऱ्या; वाचा परफेक्ट रेसिपी

• सर्वप्रथम साखरेत, साखर भिजेल इतके पाणी घालून ते पाक तयार करून घ्या.
• त्यानंतर मैद्यात मीठ, तूप आणि दही घालून मिक्स करून त्याचा गोळा तयार करा. हे पीठ मळताना पाणी लागल्यास केवळ एक चमचा पाणी वापरा.
• आता २०-३० मिनिटांसाठी पीठ झाकून ठेवा.
• त्यानंतर कढईत तूप घालून मंद गॅसवर तापायला ठेवा.
• आता मुरलेल्या गोळ्यातून पेढ्याच्या आकाराच्या बालूशाही तयार करा.
  बालूशाहीचा आकार देताना त्यामध्ये अंगठ्याने दाब द्या आणि हे गरम तुपात घालून मंद आचेवर तळून घ्या.
• लालसर रंग येईपर्यंत या बालूशाही तळून त्या थंड करायला ठेवा.
• या थंड झालेल्या बालूशाही साखरेच्या पाकात किमान एक तास तरी ठेवा, त्यानंतर या पाकातून बाहेर काढून त्याचा आस्वाद घ्या.