संध्याकाळी भूक लागते, काहीतरी चटपटीत खावसं वाटतं? मग बनवा ‘बटाटा पोहा रोल’; पटकन नोट करा साहित्य आणि कृती

बटाटा पोहा रोल बनवण्यासाठी लागणारे साहित्य: (Batata Poha Roll)

• ५-६ उकडलेले बटाटे
• १ कप पोहे भिजवलेले
• ४ ब्रेडचे तुकडे
• १ चमचा चाट मसाला
• १ चमचा धने पावडर
• कोथिंबीर
• तेल तळण्यासाठी
• मीठ चवीनुसार

बटाटा पोहा रोल बनवण्याची कृती:

• सर्वप्रथम बटाटा पोहा रोल बनवण्यासाठी एका भांड्यात उकडलेले बटाटे सोलून किसून घ्या.
• त्यानंतर ब्रेडचे तुकडे बारीक करून बटाट्यात घालून मिक्स करा.
• आता त्या मिश्रणात भिजवलेले पोहे घ्या आणि बटाटे आणि ब्रेड क्रंब्ससह चांगले मॅश करा.
• आता त्यात धने पावडर, चाट मसाला, लाल तिखट, मीठ घालून मिश्रण एकजीव करा.
• त्यानंतर सर्व मिश्रणाचे रोल तयार करा.
• आता गॅसवर कढई गरम करण्यासाठी ठेवा आणि त्यात तेल घाला.
• तेल गरम झाले की त्यात तयार केलेले रोल लालसर होईपर्यंत तळून घ्या.
• सॉससोबत सर्व्ह करा.