Uri The Surgical Strike Movie Review: अंती विजयी ठरू…

चित्रपटाची सुरूवात होते उरी हल्ल्याच्या बरोबर एक वर्ष आधी मणिपुरमध्ये सैन्यांच्या ताफ्यावर झालेल्या दहशतवादी हल्ल्यानं. या हल्ल्याच्या कटात सामील झालेल्या प्रत्येक दहशतवाद्याला वेचून कंठस्नान घालणाऱ्या भारतीय सैन्याच्या ताकदीचा अंदाज पहिल्या दहा मिनिटांत चित्रपटात येतो. जस जसा चित्रपट पुढे सरकतो तसं ‘सर्जिकल स्ट्राइक’बद्दल केवळ ऐकून, वाचून माहिती असलेल्या धाडसाची कथा पडद्यावर पाहण्याचा रोमांच प्रेक्षकांना अनुभवायला मिळतो. केवळ दहा दिवसांत या लक्ष्यभेदी हल्ल्याच्या कारवाईची योजना भारतीय सैन्यानं कशी आखली, शत्रूच्या घरात घुसून त्यांना कंठस्नान कसं घातलं याचा थरारपट दिग्दर्शक आदित्य धार यांनी उभा करण्याचा प्रयत्न केला आहे. मात्र तो साकारताना आजच्या घडीचं वातावरण पाहता योग्य ‘हित’ साधून घेण्याचा प्रयत्न केलाय ही गोष्ट नाकारता येणार नाही हेही तितकंच खरं. काही ठराविक अडचणी सोडल्या तर आम्ही सर्जिकल स्ट्राईक केला हे जितकं सहजपणे आपण आज सांगतो तितकंच सहज सीमेवर सगळं घडलं होतं का असा प्रश्न चित्रपटातील काही दृश्य पाहताना ‘सुजाण प्रेक्षका’ला पडल्याशिवाय राहत नाही.

आणखी वाचा

विज्ञानव्रती

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

नाव घेतले तर न्यायाल्यात खेचीन ‘ कोणी ‘ पाठविली शरद पवार यांना नोटीस !

नवरा माझा नवसाचा २’ने थिएटरमध्ये ५० दिवस पूर्ण केल्यानंतर श्रियाची सचिन पिळगांवकरांसाठी खास पोस्ट; म्हणाली, “रॉकस्टार मला…”

अभिनेता सुनील शेट्टीचा सेटवर झाला अपघात, स्वतःच अ‍ॅक्शन सीन शूट करताना झाला जखमी

दारू पिताना झालेल्या वादातून मजुराचा खुनाचा प्रयत्न, भिडे पूल परिसरातील घटना

टाटा रुग्णालयाकडून कमी कालावधीत सर्वाधिक रोबोटिक शस्त्रक्रिया

सेटवर लागलेली आग, ५२ जणांचा मृत्यू आणि प्रसिद्ध अभिनेत्यावर ७३ सर्जरी; अनंत माधवन आठवण सांगत म्हणाले, “ती रात्र…”

या चित्रपटात अभिनेता विकी कौशल प्रमुख भूमिकेत दाखवण्यात आला आहे. एकीकडे भारत मातेचं संरक्षण हाच खरा धर्म मानणारा कणखर सैनिक आणि दुसरीकडे आपल्या आईच्या ढासळत चाललेल्या तब्येतीमुळे तितकाच हळवा होणारा मुलगा असा समतोल साधणारा विकी या चित्रपटात उठून दिसतो. परेश रावल, मोहित रैना, किर्ती कुल्हारी, यामी गौतम चित्रपटात छोट्या छोट्या भूमिकेत आहेत. मात्र सगळ्यांचा चित्रपटातील खारीचा वाटा तितकाच कौतुक करणारा आहे. देशभक्ती, बलिदान, सूड, विजय आणि राजकारण अशा सगळ्यांचा अनुभव देणारी आणि अंती विजयी ठरणारी या उरीची शौर्यगाथा एकदा मोठ्या पडद्यावर पाहावी अशी आहे.