वाचक आणि न-वाचक

वॉशिंग्टन यांच्याविषयी माहिती देणारी अनेक चरित्रपर पुस्तकं आजवर लिहिली गेली. त्यातून अमेरिकेच्या स्वातंत्र्य चळवळीतील योगदानापासून राष्ट्राध्यक्षपदाच्या कारकीर्दीपर्यंतचे अनेक तपशील आले आहेत. तरीही त्यांच्या व्यक्तिमत्त्वातील वाचनप्रेमाचा पैलू मात्र त्यातून सुटला आहे. ती उणीव केविन जे. हेज् लिखित पुस्तकानं दूर झाली. त्यामुळेच हे पुस्तक वॉशिंग्टन यांच्यावरील पुस्तकांत निराळं ठरतं.

आणखी वाचा

Donald Trump : डोनाल्ड ट्रम्प यांचा मोठा निर्णय, सीएफपीबीचे संचालक रोहित चोप्रा यांना पदावरून हटवलं

Economic Survey: आर्थिक सर्वेक्षण अहवाल सांगतोय २०२५ हे…

“हा खेळ चालणार नाही”, डोनाल्ड ट्रम्प यांचा भारतासह ब्रिक्स राष्ट्रांना इशारा; म्हणाले, “डॉलरला बाजूला करून…”

Prithviraj Chavan : “डोनाल्ड ट्रम्प यांना भेटलो नाही…”, पृथ्वीराज चव्हाण यांचं स्पष्टीकरण; म्हणाले, “त्यांचा मुलगा…”

Donald Trump : “त्यांच्याकडे पैसेच नाहीत”, डोनाल्ड ट्रम्प यांच्या पहिल्याच मोठ्या घोषणेची Elon Musk यांनी उडवली खिल्ली

ट्रम्प धोरणांची धडकी!

अग्रलेख : वॉशिंग्टनची कुऱ्हाड!

अध्यक्षपदाची सूत्रं हाती येताच डोनाल्ड ट्रम्प यांचा मोठा निर्णय; WHO ला धक्का दिल्यामुळं संपूर्ण जग आश्चर्यचकित

सुरुवातीच्या काळात सैन्यात काम केल्यानंतर वॉशिंग्टन यांनी वडिलोपार्जित शेतीकडे लक्ष देण्यास सुरुवात केली. शेतीविषयक पुस्तकं वाचून शेतीमध्ये वेगवेगळे प्रयोगही त्यांनी केले. दरम्यानच्या काळात व्हर्जिनियाच्या विधिमंडळात प्रतिनिधी म्हणून ते निवडले गेले. त्याच सुमारास अमेरिकेतील ब्रिटिशांच्या तेरा वसाहतींत ब्रिटिश शासनव्यवस्थेविरुद्ध असंतोष पसरण्यास सुरुवात झाली होती. १७६७ सालची बोस्टन टी पार्टी याचं द्योतक होतं. वसाहतींमधील पुढाऱ्यांनी स्वातंत्र्य चळवळ सुरू केली होती. त्यासाठी काँटिनेंटल काँग्रेसची स्थापनाही झाली. लवकरच वॉशिंग्टन तिचे प्रमुख झाले. सात वर्षांच्या संग्रामानंतर १७८३ मध्ये पॅरिस तह होऊन स्वातंत्र्ययुद्ध समाप्त झालं. पुढे १७८७ मध्ये फिलाडेल्फिया परिषदेद्वारे नवीन संविधान निर्माण होऊन वॉशिंग्टन १७८९ मध्ये पहिले राष्ट्राध्यक्ष म्हणून नियुक्त झाले. या काळात वॉशिंग्टन यांनी घेतलेले निर्णय, त्यावर त्यांनी वाचलेल्या पुस्तकांचा पडलेला प्रभाव आणि वाचनामुळे वॉशिंग्टन हे एक महान नेते म्हणून कसे घडत गेले, याचा वेध हेज् यांनी या पुस्तकात घेतला आहे. वॉशिंग्टन यांची पत्रं, नोंदवह्य़ा, सुमारे एक हजार पुस्तकांचा वैयक्तिक संग्रह यांच्या आधारावर आ पुस्तकाचं लेखन झालं आहे.  वॉशिंग्टन यांच्या वाचनाचे विविध टप्पे, त्यांच्यावर प्रभाव पाडणारी पुस्तके, त्याचा त्यांच्या लिखाणावर जाणवणारा ठसा, त्यांच्या राष्ट्राध्यक्षपदाच्या काळातील धोरणांना या पुस्तकांमुळे कसा आकार येत गेला याची माहिती या पुस्तकात मिळते.

ट्रम्प यांच्या न-वाचक असण्याच्या पाश्र्वभूमीवर पहिल्या अमेरिकी अध्यक्षाच्या वाचनप्रेमाचा घेतलेला हा शोध महत्त्वाचा ठरतो.