९१ वर्षांचे आयुष्य, त्यापैकी ७० वर्षे सातत्याने लेखन आणि ४२ वर्षे ‘मातृभूमी’ या मल्याळम नियतकालिकाच्या कथा विभागाचे संपादक अशा एम. टी. वासुदेवन नायर ऊर्फ ‘एम. टी.’ यांच्या दीर्घ कारकीर्दीला मृत्यूनेच विराम दिला. मल्याळम भाषेतल्या त्यांच्या नऊही कादंबऱ्यांची, १९ लघुकथा संग्रहांची, तीन बाल-पुस्तके, तीन लेखसंग्रह, चार आत्मपर पुस्तके, दोन भाषणसंग्रह, कथा या साहित्यप्रकाराबद्दल लिहिलेली तीन पुस्तके… यांपैकी एकाचेही नावसुद्धा मराठी वाचकांना माहीत नसेल; कारण भारतीय भाषांतून परस्परानुवाद होणे तसे मंदच. पण ‘‘कोरडीठाक पडली तरी पुराने पुष्कळून जाण्याचे स्वप्न पाहणारी ती त्याची नदीदेखील, रक्ताचा थेंबही न उरलेल्या एखाद्या निश्चेष्ट शरीरासारखी त्याच्या मागेच पडून होती’’ यासारख्या नायर यांच्या वाक्यांशी जगातल्या कुठल्याही भाषेप्रमाणेच मराठीचेही नाते आहे. हे नाते फक्त नदीमुळे, निसर्गामुळे, मातीमुळे नसते तर माणसामुळे, माणसाच्या दु:खांमुळेही ते वैश्विक असते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
