वास्तुरचनाकारांचं जीवनकार्य सांगणारी पुस्तकं एरव्ही ‘कॉफीटेबल’ प्रकारात शोभणारी असतात. तसाच तो आडमाप आकार, गुळगुळीत पानांवरली रंगीत छपाई, गरजेपुरताच मजकूर… वगैरे. त्यामुळेच ती महागसुद्धा असतात. पण दिवंगत चार्ल्स कोरिआ यांची ओळख करून देणारं हे अवघ्या २९९ रुपये छापील किमतीचं पुस्तक निराळं आहे. मुस्तनसीर दळवी हे स्वत: (कवी म्हणूनही परिचित असले तरी) वास्तुरचनाकार आणि आधुनिक भारतातल्या वास्तू हा त्यांचा अभ्यासविषय. त्या विषयात मुंबईच्या आयआयटीतून पीएच.डी.सुद्धा मिळवलीय त्यांनी. या दळवींनी चार्ल्स कोरिआ यांच्याबद्दल लिहिलेलं हे पुस्तक, केवळ व्यावसायिक किंवा अभिकल्पकार म्हणून कोरिआ यांची महती सांगणारं नसून ‘सिटिझन चार्ल्स’ या नावाला जागणारं आहे. चार्ल्स कोरिआ म्हटलं की अनेकांना चटकन आठवते ती पेडर रोडची ‘कांचनजंगा’ इमारत… व्हरांड्यासारख्या मोठमोठ्या गॅलऱ्या आणि लाल-पिवळे रंग ही धनिकवणिकांच्या त्या इमारतीची खासियत. पण याच कोरिआंनी भोपाळचं भारत भवन आणि तिथलंच मध्य प्रदेश विधान भवन, जयपूरचं जवाहर कला केंद्र, दिल्लीची ब्रिटिश कौन्सिलची वास्तू, पुण्याची आयुका अशा इमारतींचीही रचना केली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
