अन्वयार्थ: ‘मित्रा’चा सल्ला का झोंबला?

यानिमित्ताने ओबामा नेमके काय आणि कशासंदर्भात बोलले, याची उजळणी आवश्यक. धार्मिक आणि वांशिक अल्पसंख्याकांचे हक्क अबाधित राहिले नाहीत, तर भारताचे ऐक्य धोक्यात येऊ शकते, असा इशारा ओबामा यांनी ‘सीएनएन’ वाहिनीच्या ज्येष्ठ पत्रकार ख्रिस्तियान आमनपोर यांच्याशी वार्तालापादरम्यान दिला. परंतु त्यांना प्रश्न विचारण्यात आला तो संदर्भ वेगळा होता. ‘‘बायडेन हे जगातील लोकशाही रक्षणाविषयी आग्रही असतील आणि चीनचे अध्यक्ष क्षी जिनपिंग यांना ‘हुकूमशहा’ म्हणण्यावर ठाम राहणार असतील, तर सध्या अमेरिका दौऱ्यावर असलेले मोदी यांच्याशी त्यांनी बोलायला हवे की नको? कारण मोदी हे काही प्रमाणात हुकूमशाही बाजाचे किंवा असहिष्णू नेते म्हणून ओळखले जातात,’’ असा आमनपोर यांचा प्रश्न होता. त्यावर उत्तर देताना, हा प्रश्न गुंतागुंतीचा असल्याचे ओबामा यांनी सुरुवातीलाच कबूल केले. बायडेन यांनी मोदींशी बोलले पाहिजे असे सांगताना, ओबामा यांनी धार्मिक अल्पसंख्याकांविषयी मतप्रदर्शन केले. मी मोदींना चांगला ओळखतो आणि मुस्लीम भारताचे हितसंबंध हिंदू भारतीयांशी संबद्ध आहेत, असे मी त्यांना सांगेन या ओबामांच्या विधानामध्ये कुठेही मोदींविषयी किंवा भारताविषयी निर्भर्त्सनात्मक मतप्रदर्शन आढळत नाही. मोदींच्या दौऱ्याच्या वेळी अमेरिकी काँग्रेसच्या डझनावरी सदस्यांनीही भारतातील धार्मिक असहिष्णुतेविषयी मुद्दा मोदींकडे उपस्थित करावा, अशी मागणी बायडेन यांच्याकडे केली होती.

आणखी वाचा

BJP : उपराष्ट्रपती व्ही. पी. धनखड यांना हटवण्यासाठी विरोधकांचा गोंधळ, भाजपाने नेमकी काय खेळी केली?

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

विश्लेषण : ‘इंडिया’ आघाडीचे नेतृत्व ममतांकडे? राज्यांतील पराभवानंतर काँग्रेसच्या स्थानाला धक्का…

“हे हिंदुस्थान आहे, बहुसंख्याकांच्या इच्छेनुसारच देश चालणार”, न्यायाधीशांच्या वक्तव्याची चर्चा!

Video: “राहुल नार्वेकरांनी दिलेल्या निकालावर सर्वोच्च न्यायालय अजून विचार करतंय”, जयंत पाटील यांची टोलेबाजी!

Video: “सासऱ्यांचाच आग्रह होता की…”, जयंत पाटलांच्या ‘त्या’ मुद्द्यावर देवेंद्र फडणवीसांची मिश्किल टिप्पणी!

Telangana Thalli : ‘तेलंगणा थळ्ळी’ कोण आहेत? त्यांच्या नव्या पुतळ्यावरुन नेमका वाद का पेटला आहे?

“इंडिया आघाडी मी बनवलीय, संधी मिळाल्यास…”, ममता बॅनर्जी यांचं मोठं वक्तव्य; मित्रपक्षांच्या सावध प्रतिक्रिया

बायडेन यांनी त्याविषयी जाहीरपणे कोणतेही भाष्य केलेले नाही. उलट मोदी यांच्यावर बायडेन प्रशासन आणि विरोधी रिपब्लिकन पक्षांतील काहींनी स्तुतिसुमनेच उधळली. पत्रकार परिषदेत दोन मोजके प्रश्न विचारण्यात आले, त्याची उत्तरेही मोदींनी विनाअवघडता दिलीच की. इतके सगळे झाल्यानंतर आपल्याकडे आसामचे मुख्यमंत्री हेमंत बिस्व सर्मा, भाजपचे उपाध्यक्ष जय पांडा आणि निर्मला सीतारामन व राजनाथ सिंह यांनी पाठोपाठच्या दिवसांमध्ये ओबामांवर टीका केली. आसामच्या सर्मा यांनी त्यांच्या बौद्धिक पातळीशी इमान राखत केलेली दर्जाहीन टीका बरीचशी अपेक्षित. परंतु सीतारामन यांनी ओबामांच्या ‘मुस्लीम’ राष्ट्रांवरील बॉम्बफेकीचा उल्लेख केला. त्यांच्यासारख्या विचारी राजकारणी व्यक्तीकडून अधिक सखोल अभ्यासाची अपेक्षा आहे. त्यांनी उल्लेख केला ती  सहा मुस्लीम राष्ट्रे म्हणजे सीरिया, इराक, अफगाणिस्तान, लिबिया, येमेन आणि पाकिस्तान! या कारवाया सुरू असताना या देशांच्या मुस्लीम असण्याविषयी स्मरण आपण करून दिले नव्हते. दुसरी बाब म्हणजे, अमेरिकेचे विद्यमान अध्यक्ष जो बायडेन हे त्या वेळी उपाध्यक्ष होते. मग सीतारामन यांच्या टीकेचा रोख त्यांच्याकडेही होता का? ओबामांना मोदी घनिष्ठ मित्र मानतात. आम्ही एकेरी नावांनी परस्परांना संबोधतो, असे मोदींनीच म्हटले आहे. किमान या व्यक्तिगत मैत्रीला स्मरून तरी ओबामांचा प्रतिवाद करण्याची जबाबदारी सीतारामन प्रभृतींनी मोदींवरच सोडायला हवी होती. २०१४ ते २०१६ या काळात मोदी आणि ओबामा परस्परांना चार वेळा भेटले. ओबामा यांनी २७ जानेवारी २०१५ रोजी दिल्लीत केलेल्या भाषणातही मोदींना धार्मिक एकजुटीकडे विशेष लक्ष देण्याचा सल्ला दिला होताच. त्या वेळी ‘मित्रा’चा सल्ला झोंबला नाही, मग आताच तो का बरे झोंबू लागला?