पंतप्रधान नरेंद्र मोदी यांचा अमेरिका आणि इजिप्त दौरा भलताच यशस्वी झाला असे म्हणायला हरकत नाही. विशेषत: अमेरिका दौऱ्यादरम्यान काही महत्त्वाचे करार आणि वाटाघाटी झाल्या. अमेरिकी काँग्रेससमोर दुसऱ्यांदा भाषण करण्याचा दुर्मीळ मान मोदी यांना मिळाला. काही महत्त्वाच्या सहकार्य गटांमध्ये अमेरिकेने भारताला सामावून घेण्याच्या करारांवर शिक्कामोर्तब झाले. विद्यमान पंतप्रधानांसाठी दुर्मीळात दुर्मीळ अशा पत्रकार प्रश्नांचाही अंतर्भाव या दौऱ्यात करण्यात आला. अमेरिकेचे अध्यक्ष जो बायडेन आणि त्यांच्या पत्नी जिल यांनी एखाद्या जवळच्या मित्रासारखे मोदींना वागवले आणि अमेरिकेच्या जुन्या सामरिक मित्रासारखा त्यांचा मानही राखला. भारत-अमेरिका संबंधांना या दौऱ्याने नवा आयाम नक्कीच प्रदान केला. इतके सारे उत्तम बेतून-जुळून येत असताना, देशातील सत्तारूढ भाजप नेत्यांनी मात्र माजी अध्यक्ष बराक ओबामा यांनी व्यक्त केलेल्या काही मतांविषयी आक्रमक आणि आक्रस्ताळी भूमिका घेणे काहीसे अस्थानी ठरते. पाश्चिमात्य विचारवंत आणि माध्यमे नेहमीच भारतासारख्या विकसनशील लोकशाहीविषयी भाष्य, टिप्पणी करतात. परिपक्व शब्दांमध्ये त्यांचा प्रतिवाद करणे किंवा काहीही न बोलणे ही खरी सहिष्णुता. त्याऐवजी अनेकदा आपल्या प्रतिक्रियांमधूनच असहिष्णुतेचे दर्शन घडते. शिवाय संदर्भ आणि सत्य समजून न घेताच संबंधितांवर एकसाथ तुटून पडण्याची झुंड- वैचारिकताही टाळली तर बरे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
