एलिझाबेथ गिल्बर्ट यांचे नाव भारतात प्रत्येक ग्रंथ दुकानदारासाठी तर परिचितच. पण मुंबईच्या पांढऱ्या आणि बेंगळूरुच्या किंचित करडय़ा कागदांचा वापर करून पायरसीद्वारे ढिगाने पुस्तके विकणाऱ्या देशातल्या रस्ता पुस्तक दालनांच्या चालकांनाही ते माहिती आहे. कारण ‘ईट, प्रे, लव्ह’ हे गिल्बर्ट यांचे प्रवास आत्मचरित्र २००६ साली अमेरिकेत आले. पुढे १८७ आठवडे ‘न्यू यॉर्क टाइम्स’ची खूपविकी यादी गाजवत असताना भारतात सर्व अधिकृत विक्री यंत्रणात पोहोचत राहिले. २००८ पासून रस्त्यावरील पुस्तकालयांत तीन रंगी अक्षरांच्या मुखपृष्ठाचे हे पुस्तक अजूनही अधिक विकले जाणारे आहे. ‘ईट, प्रे, लव्ह’मुळे अखंड श्रीमंत झालेल्या एलिझाबेथ गिल्बर्ट यांची लेखन कर्तुमकी या एका पुस्तकापुरती मोजता यायची नाही. जरी काडीमोडाचा ‘आनंद’ घेण्यासाठी इटली, अध्यात्माचा अर्थ लावण्यासाठी भारत आणि पुनर्पीतीचा शोध घेण्यासाठी इंडोनेशियाची पायपीट करून ‘ईट, प्रे, लव्ह’ या प्रवासनाम्याला वैश्विक स्त्री-पुरुषीय पसंती लाभली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
