अन्वयार्थ : जॉन्सन पुन्हा गोत्यात

तो फेटाळला गेला, तरी जॉन्सन यांच्या नेतृत्वावर पक्षातच अनेकांचा विश्वास राहिलेला नाही, हे या निमित्ताने सिद्ध झाले. आता जॉन्सन यांनी नियुक्त केलेले हुजूर पक्षाचे उपमुख्य प्रतोद ख्रिस पिंचर यांच्याविरुद्ध लैंगिक छळाच्या गंभीर तक्रारी असूनही जॉन्सन यांनी त्याकडे हेतुपुरस्सर दुर्लक्ष केले, असे सांगितले जाऊ लागले आहे. जॉन्सन यांनी फेब्रुवारी महिन्यात पिंचर यांची या पदावर नियुक्ती केली त्या वेळी त्यांना पिंचर यांच्याविरुद्ध तक्रारींची कोणतीही माहिती नव्हती, असा बचाव जॉन्सन आणि त्यांचे निकटचे सहकारी करत आहेत.