अन्वयार्थ : सदोष कोविड धोरणाचा भडका

या परिस्थितीत साथीवर नियंत्रण मिळवण्यासाठी शून्य-साथ किंवा झिरो-कोविड हे अव्यवहार्य धोरण राबवले गेले आणि त्यासाठी कडकडीत व प्रदीर्घ टाळेबंदीचा अघोरी मार्ग निवडला गेला. व्यक्तिस्वातंत्र्य, संचारस्वातंत्र्य, संपर्कस्वातंत्र्य, उद्यमस्वातंत्र्य यांची गळचेपी करणारे हे धोरण एका मर्यादेपलीकडे आणि मुदतीनंतर अजिबात परिणामकारक ठरत नाही, याचा साक्षात्कार जगभरातील अनेक देशांना झाला. अपवाद चीनचा. त्यामुळे विरोधाभास असा, की ज्या देशाने सर्वप्रथम करोनावर विजय मिळवल्याचे वाटत होते, तो देश आजही या साथीच्या कचाटय़ातून बाहेर पडण्यासाठी धडपडतो आहे. चीनचे नेतृत्व प्रखर राष्ट्राभिमानी वगैरे असल्यामुळे आणि त्याच्याकडून चुका घडण्याची अजिबात शक्यता नसल्यामुळे बहुधा असेल; पण ‘आपण चुकलो’ हे मान्य करून उपाययोजना बदलण्याचे धोरण त्यांनी स्वीकारलेले नाही! तरीही हा संदेश तेथील जनतेमध्ये पुरेसा झिरपलेला दिसत नाही. त्यामुळेच, चीनच्या झेंगजू शहरातील फॉक्सकॉन कंपनीतील कामगारांचे बंड या विसंवादाचे निदर्शक ठरले. अमेरिकेच्या अ‍ॅपल कंपनीसाठी अल्प मुदतीत आणि प्रचंड संख्येने मोबाइल हँडसेट बनवून देणारी कंपनी असा ‘फॉक्सकॉन’चा नावलौकिक. झेंगजूतील जवळपास तीन लाख कामगार क्षमतेच्या फॉक्सकॉन प्रकल्पाला ‘आयफोन सिटी’ असे संबोधले जाते.

आणखी वाचा

कुणबी समाजाला डावलल्याची खंत, यवतमाळात तिसरा पर्याय देण्याचा प्रयत्न

Nana Patole : निकालाआधी राजकीय घडामोडींना वेग; यातच…

अग्रलेख : काका… मला वाचवा!

Nitin Gadkari: ‘भाजपाचं पिक वाढलंय, त्यावरही फवारणी करण्याची गरज’, नितीन गडकरींचा इशारा कुणाकडे?

दिग्दर्शकाने अर्ध्यावर सोडली साथ; फ्लॉप झाला बिग बजेट सिनेमा, बोनी कपूर यांना कर्ज फेडायला लागली होती ‘इतकी’ वर्षे

योगींच्या ‘बटेंगे तो कटेंगे’नंतर पंतप्रधान मोदींकडून ‘एक हैं तो सेफ है’चा नारा

भोसरीत भाजपकडून ‘ऑनलाइन लक्ष्मी दर्शन’?, कोणी केला हा गंभीर आरोप

लक्षवेधी लढत: मालेगाव बाह्य : मंत्री दादा भुसे यांचा मार्ग यंदा खडतर

चीनच्या उत्पादक क्षमतेचे ही कंपनी हे जणू प्रतीक. पण नोव्हेंबरच्या अखेरच्या आठवडय़ात या कंपनीत झालेल्या बंडाच्या निमित्ताने चीनच्या कामगार धोरणातील ठिसूळपणाही जगासमोर आला. अत्यंत दाटीवाटीच्या संकुलांमध्ये कामगारांना कोंबून व डांबून ठेवणे, तुरळक आहार आणि तुटपुंज्या वेतनाच्या जिवावर त्यांचे कामाचे तास वाढवून अधिकाधिक उत्पादन करवून घेणे हे प्रकार तेथे सुरू होते. ऑक्टोबर महिन्यात या जाचाला कंटाळून तेथील काही कामगारांनी पळ काढला. त्यांतील काहींना प्रलोभने दाखवून पुन्हा कंपनीत आणून नंतर डांबले गेले. ‘शून्य कोविड’ धोरणामुळे पुढील काही महिने कंपनी संकुलातच राहावे लागणार असल्याचे कळाल्यानंतर त्यांच्या संतापाचा कडेलोट झाला. फॉक्सकॉनमधील कामगारांचे बंड हे केवळ चीनच्या कोविड धोरणाचाच नव्हे, तर कामगार धोरणाचाही विचका झाल्याचे दर्शवते.