श्रद्धा व भावना निर्माण होण्यासाठी आता प्रत्येकाला आपल्या घरीच आपली दिनचर्या शुद्ध ठेवावी लागेल आणि त्याद्वारे आपल्या संपूर्ण गावाचे चांगले संस्कार निर्माण होतील. सध्या सुधारणा फार जोरात सुरू आहेत. सुधारणेचे निरनिराळे प्रयोग शहरांत व खेडय़ांत वेगाने होत आहेत. परंतु माणूस सुधारण्याचे प्रयोग मात्र अजून तरी दिसत नाहीत, हेच या देशाचे दुर्दैव आहे असे सांगून राष्ट्रसंत तुकडोजी महाराज सरकारी धोरणांवर टीका करताना म्हणतात, ‘‘दारूबंदीचे उदाहरण आपल्यासमोर आहे. दारूबंदीचा अर्थ आता असा केला जात आहे की ज्याला दारू प्यावी असे वाटत असेल त्याला दारू पिऊ द्यावी. दारूबंदीमुळे सरकारचे फार नुकसान होते. चोरी करू नये हा कायदा आहे. उद्या असेही म्हणण्यात येईल की चोऱ्यांचे गुन्हे शोधून काढण्यात सरकारचा फार वेळ जातो व सरकारचे फार मोठे नुकसान होते, म्हणून यापुढे ज्याला चोरी करावयाची असेल त्याने खुशाल करावी. गुंडांचा उपद्रव मोडून काढण्यात सरकारचा फार मोठा खर्च होतो म्हणून गुंडगिरीही करण्याची मोकळीक सुरू होईल. अशी परिस्थिती सर्वत्रच निर्माण झाली तर प्रत्येकाला स्वत:चे घर सांभाळणेही कठीण जाईल आणि मग या पुण्यमय भारताची काय दशा होईल, याची कल्पनाच केलेली बरी.’’
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
