अन्वयार्थ : प्रवास कसला? फरपट अवघी!

हेही वाचा >>> अन्वयार्थ : अटळ बाजारझड; पण नुकसानही अपरिहार्य?

आणखी वाचा

धार्मिक मुद्द्यावर बोलणाऱ्या भाजपला ‘पढोगे तो बढोगे’ हे सांगण्याची वेळ; सचिन पायलट यांची टीका

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

नाकाबंदीत पावणेसहा कोटींचे सोने, चांदी जप्त; ओैंध परिसरात कारवाई

पोलीस अधिकाऱ्याने सहकाऱ्यांबरोबर बनवली Reel, नेटकऱ्यांचे जिंकले मन, पाहा Viral Video

उनाड मुलेच नव्हे, तर प्रौढांमध्येही जगभर वाढतेय अतिचंचलता? काय आहे ADHD? लक्षणे कोणती? आव्हाने कोणती?

कुतूहल : कृत्रिम बुद्धिमत्ता आणि गणितातील संशोधन

चतु:सूत्र : लोकशाहीत विरोधी पक्षाची गरज

पिंपरी: अजित पवारांच्या पक्षाच्या देहू शहराध्यक्षाच्या मोटारीतून रोकड जप्त

महामार्गांची जी स्थिती, तीच शहरांतर्गत रस्त्यांची. महामार्गांवरील वाहतूक भीषण रस्त्यांमुळे संथ होऊन सोसावे लागणारे आर्थिक नुकसान आणि खराब रस्त्यापायी होणाऱ्या वाहतूक कोंडीमुळे पुण्यासारख्या शहरातून स्थलांतरित होत चाललेले उद्याोग हा प्रश्न काही दुर्लक्षित करण्यासारखा नाही. वाहनचालकांच्या आरोग्यावर होणारे परिणाम, हा तर आणखी वेगळा मुद्दा. हे कमी म्हणून की काय, यंत्रणांना सर्व रस्त्यांच्या सिमेंटीकरणाची हौस. या हौसेचे काय मोल चुकवावे लागणार आहे, याचा हिशेब मांडणार कोण? जोरदार पावसाच्या वेळी या सिमेंटच्या रस्त्यांवरून पाणी वाहूनच जाऊ शकत नाही. शिवाय, हे साचलेले पाणी जमिनीत मुरत नसल्याने भूगर्भातील पाण्याची पातळी वाढविण्यासाठीही त्याचा काही उपयोग नाही. देखभाल न केली गेलेली पावसाळी गटारे हे पाण्याचा निचरा न होण्याचे आणखी एक कारण. ज्या सांडपाणी वाहिन्यांतून पाणी वाहून जाणे अपेक्षित असते, त्या गटारांच्या झाकणांभोवतीच पाणी साचून राहते! हे नक्की कोणत्या दर्जाचे काम आपल्या शहरांमध्ये होत असते? शब्दश: खड्ड्यात गेलेले शहरातील रस्ते लोकांचे जीवही घेतात. ठाण्यात खड्ड्यांमुळे झालेल्या अपघातात परवाच एका युवतीचा जीव गेला. दुचाकी खड्ड्यात आदळल्याने ती युवती दुचाकीवरून खाली पडली आणि पाठीमागून येणाऱ्या ट्रेलरखाली चिरडली गेली. पावसानंतरही रस्ते चांगले राहतील, अशी रस्तेबांधणी का होत नाही आणि तशी ती झाली नाही, तर रस्ते बांधणाऱ्यांना शिक्षा का होत नाही, हा प्रश्न नेहमीच भेडसावणारा. खरे तर कंत्राटदारांच्या कंत्राटात ‘दोष उत्तरदायित्व कालावधी’ असतो. त्या कालावधीत रस्ता खराब झाल्यास कंत्राटदाराकडून विनाखर्च रस्ता दुरुस्त करून घेता येतो. त्यांना काळ्या यादीत टाकणेही शक्य असते. फक्त आता हे करण्यासाठी लागणारी राजकीय इच्छाशक्ती आणायची कोठून आणि कुणी? मुंबई-बंगळूरु रस्त्याची दुरवस्था पाहून साताऱ्याचे पालकमंत्री हळहळले. त्या उद्वेगातून ते म्हणाले, की या रस्त्यावरील खड्डे न बुजवल्यास राष्ट्रीय महामार्ग प्राधिकरणाविरुद्ध गुन्हे दाखल केले जातील. असे खरेच एकदा व्हावे, ही इच्छा. पण, होईल का, असा प्रश्नच. कारण, सामान्यांची पुरती वाट लागूनही कोणत्याही पातकातून सुटकेचे मार्ग शोधण्यात आपली यंत्रणा वाकबगार आहे… रस्त्यात खड्डे पडले किंवा रस्ताच खड्ड्यात गेला, तरीही!