अहंकारी, आत्मकेंद्री नेतृत्वाचा पराभव
‘‘आप’ले मरण पाहिले…’ हे संपादकीय (१० फेब्रुवारी) वाचले. माहिती अधिकार लढ्याच्या आरंभापासून सामान्य जनतेच्या मनात सामाजिक न्याय, समानता, मूलभूत हक्क देणारा कुणी तरी तारणकर्ता उदयास येईल या आशेला अंकुर फुटले होते. ससाण्याच्या तीक्ष्ण नजरेने निवडणुका या एकमेव विषयावर ध्यानस्थ बसलेल्या भाजपला निवडणुका जिंकण्यासाठी दिव्य शक्ती प्राप्त झाली असावी असे वाटते. सत्तेचा फायदा घेऊन केंद्र सरकारच्या बहुतेक यंत्रणा आपल्या पंखाखाली घेणाऱ्या भाजपच्या दशभुजांच्या ताकदीचा अंदाज आम आदमी पक्षाच्या नेतृत्वाला आला नसेल यावर अबोध पोराचासुद्धा विश्वास बसणार नाही. विधानसभेच्या निवडणुका जिंकण्यासाठी रेवड्या उधळण्याची व्यवहारशून्य चतुराई भाजप सत्तेच्या जोरावर आपपेक्षा प्रचंड मोठ्या प्रमाणात वापरू शकतो याचा अंदाज प्राप्तिकर खात्यात कर्तव्य बजावलेल्या आम आदमी पक्षाच्या नेत्याला आला नाही याचे आश्चर्य वाटते. सत्तेसाठी वर्षानुवर्षे संघर्ष केलेल्या भाजपच्या पोतडीत आता निवडणुका जिंकण्यासाठी क्लृप्त्यांची कमतरता नाही.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
