अमेरिकेत ओहायो आणि केंटकी या राज्यांमध्ये गर्भपाताच्या मुद्दय़ावरून डेमोक्रॅट्नी मारलेल्या बाजीमुळे पुढील वर्षी म्हणजे २०२४ च्या तेथील निवडणुकांमध्ये प्रचारात गर्भपाताचा हक्क हा मुद्दा महत्त्वाचा ठरण्याची शक्यता आहे. वास्तविक गेल्या वर्षी म्हणजे जून २०२२ मध्ये तेथील सर्वोच्च न्यायालयाने ५० वर्षांपूर्वी, १९७३ मध्ये ‘रो विरुद्ध वेड’ या खटल्यातील गर्भपाताचा हक्क देणारा निकाल बदलला आणि अमेरिकी स्त्रियांना गर्भपाताचा अधिकार नाकारला गेला. या खटल्यामुळे अमेरिकेतील राज्यांना नागरिकांना गर्भपाताचा हक्क द्यायचा की त्यावर बंदी घालायची याबाबत आपापले कायदे करण्याची मुभा मिळाली. त्यानुसार ताबडतोब २०२२ मध्ये १४ राज्यांनी गर्भपातावर बंदी घातली आणि सहा राज्यांनी त्यासंबंधीचे होते ते कायदे अधिक कडक केले. तेव्हापासून गर्भपात या मुद्दय़ावरून अमेरिकेत सातत्याने वादंग सुरू आहे. आताही तीन राज्यांमधल्या वेगवेगळय़ा पातळय़ांवरच्या तीन निवडणुकांमध्ये गर्भपाताच्या हक्कांना मान्यता देणारे डेमोक्रॅट्स विजयी झाल्यामुळे या मुद्दय़ावर जनमताचे पारडे फिरल्याचे मानले जात आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
