संविधानभान : देशाचा ‘आतला आवाज’

या घटनेतून दोन गोष्टी अधोरेखित होतात. एक तर प्रत्येक कृतीसाठी आखून दिलेले नियम महत्त्वाचे असतात आणि दुसरी गोष्ट म्हणजे त्या नियमांचा नैतिकतेने अवलंब करणे आवश्यक असते. भारताचे संविधान लागू झाले त्यानंतर बाबासाहेब आंबेडकर याच नैतिकतेच्या बाबत अत्याग्रही होते. त्यांनी म्हटले होते, ‘‘सांविधानिक नैतिकता ही स्वाभाविक भावना नाही. तिची मशागत करावी लागेल. आपल्या भारतीय लोकांना ही नैतिकता अवगत करण्याची आवश्यकता आहे, हे आपण लक्षात घेतले पाहिजे.’’ ही सांविधानिक नैतिकता रुजवली नाही तर भारतात लोकशाहीची मुळं तगणार नाहीत, असा इशाराच बाबासाहेब आंबेडकरांनी दिलेला होता. नैतिकता म्हणजे चांगले/ वाईट, चूक/ बरोबर ठरवता येणे. अनेकदा नैतिकता ही सापेक्ष असते. त्यामुळेच संविधानाच्या गाभाभूत मूल्यांच्या आधारे असणारी नैतिकता म्हणजे सांविधानिक नैतिकता. ती संविधानाच्या यशस्वितेसाठी आवश्यक असते. ‘सांविधानिक नैतिकता’ हा शब्दप्रयोग जॉर्ज ग्रोट या ब्रिटिश इतिहासकाराने ‘अ हिस्ट्री ऑफ ग्रीस’ या १२ खंडातल्या पुस्तकात केला होता. अथेनियन लोकशाहीच्या विकासात सांविधानिक नैतिकतेचे महत्त्व त्यांनी अधोरेखित केले होते. सांविधानिक नैतिकता स्वातंत्र्य आणि संयम यांचा संतुलन बिंदू साधते, असे त्यांनी म्हटले होते. याच ग्रोटचा संदर्भ देत १९४८ साली बाबासाहेब संविधानाच्या मसुद्यावर बोलत होते. केवळ स्वातंत्र्य, संयमाच्याच बाबतीत नव्हे तर तर ज्याबाबतीत संविधानात भाष्य नाही किंवा स्वविवेकाधीन अधिकार आहेत तिथे ही सांविधानिक नैतिकता निर्णायक आहे, असा बाबासाहेबांचा युक्तिवाद होता.

आणखी वाचा

चावडी : चंद्रकांतदादांची ‘साखरझोप’

Malasian Airlines: बेपत्ता MH370 चा शोध; पुण्यातील प्रल्हाद…

Rahul Gandhi : राहुल गांधींचं वक्तव्य, “मेक इन इंडिया चांगली योजना, पंतप्रधानांनी प्रयत्नही केले पण…”

राज्याच्या अर्थसंकल्पात ‘लाडक्या बहिणी’, सामान्य नागरिक केंद्रबिंदू; उपमुख्यमंत्री अजित पवार यांचा दावा

मराठीचा अनादर करणाऱ्यांची दादागिरी ठेचून काढू; मराठी भाषा मंत्री उदय सामंत यांचा इशारा

Rahul Gandhi : “तुम्ही डुबकी कधी घेणार?”, यमुना प्रदूषणाच्या मुद्द्यावर राहुल गांधींचे केजरीवालांना खुले आव्हान

घटनात्मक नैतिकता म्हणजे नेमके काय?

मतदार वाढीकडे केलेले दुर्लक्ष विधानसभा निवडणुकीत भोवले; विशाल पाटील यांची कबुली

हेही वाचा : अन्यथा : ‘जीन’थेरपी!

हे समजून घेताना महात्मा गांधींनी सांगितलेला ‘आतला आवाज’ ऐकणे उपयोगी ठरू शकते. आपल्या प्रत्येकाच्या आतमध्ये असलेला ‘सदसद्विवेकाचा आवाज’ गांधींना अपेक्षित होता. हा आवाज कोणत्याही प्रकारे दैवी नव्हता. सत् आणि असत् यांची जाणीव होण्यासाठी, त्यानुसार योग्य, विवेकी निर्णय घेण्यासाठी हा आवाज मदत करतो. गांधींच्या भाषेत सांगायचे तर हा एक छोटा आवाज असतो जो तुम्हाला सत्याच्या अत्यंत, अरुंद, निमुळत्या रस्त्यावरून चालण्याची प्रेरणा देतो. तो आतला आवाज लक्षपूर्वक ऐकला तर सांविधानिक नैतिकता टिकू शकते. देशाचा सामूहिक आतला आवाज संविधानाच्या मूल्यातून घडला आहे. त्या सांविधानिक नैतिकतेशी प्रतारणा केली तर काळ आपल्याला माफ करणार नाही. त्यामुळेच हा आतला आवाज ऐकला पाहिजे, मग देशाचा सामूहिक चेहरा दिसू लागेल.
poetshriranjan@gmail.com