तत्त्वज्ञान आणि मानसशास्त्र हे विषय घेऊन पदवी मिळवणारा, लिखाणात बरा असणारा पण स्वत:चे काही लिहिण्याऐवजी बहुतेक काळ एका स्थानिक राजकीय नेत्यासाठी पडलेखक (घोस्ट रायटर) म्हणून काम करणारा.. अशा माणसाला साधारणत: सभ्यपणे ‘सरळमार्गी आणि निरुपद्रवी’ म्हटले जाते आणि स्पष्टच बोलावे तर ‘शामळू’ अशी त्याची संभावना होत राहते.. पण डेव्हिड कर्क हे तत्त्वज्ञान आणि मानसशास्त्रात पदवी मिळवून आणि पडलेखक म्हणून राजकीय नेत्यासाठी काम करूनसुद्धा अजिबात शामळू नव्हते. किंबहुना अतीच धाडसी होते. ‘आधुनिक पद्धतीने पहिली बंगी (बंजी)-जम्प घेणारा माणूस’ म्हणून त्यांची नोंद झाली, ती याच अतिधाडसी वृत्तीमुळे. काही श्रीमंत मित्रांना भरीस घालून ‘द डेंजरस स्पोर्ट्स क्लब’ असे अत्रंगांचे मंडळच या डेव्हिड कर्क यांनी काढले होते आणि त्या मंडळातर्फे अनेक अचाट आणि जिवावर बेतणारे उपक्रमही त्यांनी घडवून आणले होते. हे डेव्हिड कर्क वयाच्या ७८ व्या वर्षांपर्यंत- मोडून पुन्हा सांधलेली हाडे चालती ठेवून- व्यवस्थित जगले आणि आठवडय़ाभरापूर्वी वारले, तेव्हा या अत्रंग माणसाबद्दल ब्रिटनप्रमाणेच अमेरिकेतील वृत्तपत्रांनीही मृत्युलेख लिहिले..
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
