‘दारू, सिगारेट, तंबाखू यांच्या विक्रीतून मिळवलेला पैसा दान केला, तर काय एवढे?’ असा प्रश्न चार्ल्स ऊर्फ चक फीनी यांच्याबद्दल बिल गेट्स किंवा वॉरन बफे यांना पडला नाही. उलट २०१४ मध्ये बफे यांनी त्यांना ‘फोर्बस कारकीर्द गौरव’ पुरस्कार प्रदान करतेवेळी ‘फीनी हे माझे वा गेट्सचेच हिरो नसून सर्वांचेच नायक आहेत’ असे जाहीर कौतुक केले होते. याचे कारण फीनी यांनी ९२ वर्षांच्या आयुष्यात अव्याहत सुरू ठेवलेला दानयज्ञ. हे फीनी सोमवारी निवर्तले, त्यापूर्वी दान केलेल्या एकंदर आठ अब्ज डॉलरपैकी, गेल्या काही वर्षांमधील दोनेक अब्ज डॉलर वगळता बाकी साऱ्या देणग्या या अजिबात वाच्यता न करता दिलेल्या होत्या. दान म्हणजे गुंतवणूक नव्हे, हे तत्त्व पाळणाऱ्या फार थोडय़ांमध्ये त्यांची गणना मृत्यूनंतरही होत राहील. बहुतेक उद्योगपती स्वत:च्या नाव/ आडनावाचे न्यास किंवा प्रतिष्ठाने स्थापून देणग्या देत असताना, फीनी यांनी ‘अटलांटिक फिलँथ्रॉपीज’ या प्रतिष्ठानामार्फत कोटय़वधी डॉलर दान केले व नामानिराळे राहिले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
