‘गणराज्यवादाचा अर्थ शोधताना…’ हा योगेंद्र यादव यांचा श्रीरंजन आवटे यांनी अनुवादित केलेला लेख (२६ जानेवारी) वाचला आणि प्रश्न पडला, आपला देश एकाधिकारशाहीकडे तर झुकत चालला नाही ना? १९७८ मध्ये इंदिरा गांधींनी लादलेल्या आणीबाणीच्या अधूनमधून खपल्या काढून काँग्रेसवर शरसंधान करणाऱ्यांना सध्याची अघोषित आणीबाणी दिसत नाही का? सध्या भारतात एकाच व्यक्तीचा जयजयकार होताना दिसतो. जाहिरातीत फोटो एकाच व्यक्तीचे, सर्व उद्घाटने एकाच व्यक्तीच्या हस्ते, इत्यादी इत्यादी… काही वर्षांपूर्वी न्यायालयीन प्रक्रियेत सरकारचा हस्तक्षेप वाढत आहे म्हणून सर्वोच्च न्यायालयातील न्यायाधीशांनी आंदोलन केले होते. सरकारचा व राजकारण्यांचा न्यायालयीन प्रक्रियेतील वाढता हस्तक्षेप पाहता न्याय ‘मॅनेज’ तर केला जात नाही, ना अशी शंका यावी, अशी परिस्थिती निर्माण झाली होती. ऊठसूट प्रत्येक गोष्टीचा इव्हेंट करून मूलभूत प्रश्नांपासून लोकांचे लक्ष विचलित केले जात आहे. ‘हर घर तिरंगा’, ‘मेरी माटी मेरा देश’ अशी भावनिक आवाहने करून लोकांना उत्सवात मश्गूल करून ठेवले जात आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
